Iwinna 9:34 - Edo Bible (E Baibol Ẹdo) Version 1996

³⁴ Pita keghi khama rẹn wẹẹ, “Aeneas, Jesu Kristi muẹn egbe rran. Kpaegbe ne u dọlọ ukpo ruẹ yi.” Ọwarọkpa nii, Aeneas keghi guakpao.

Iwinna 9:34 ပူးပေါင်းရင်းမြစ်များ

Matiu 8:3

Jesu keghi nien obọ ya kan rẹn, ọ wẹẹ, “I wa ho ne egbe rran ruẹn.” Vbe ọwarọkpa ni, alalọ ni keghi lahin ẹre egbe rre.

Matiu 9:6

I gha rhie ma uwa nian ighe Ovbi Ọmwa mwẹ asẹ ne a ya ye orukhọ bọ ọmwa.” Ọ keghi tama ọmwa ne arọ kinmwi ni, “Kpaegbe, tọn ukpo ruẹ mu ne u gha rrie owa!”

Iyẹn ne ọ Maan Ọghe Jọn 2:11

Jesu keghi winna iwinna ọyunnuan ne okaro na vbe uwu avbe iwinna ọyunnuan nekhua hia ne ọ winnaẹn, vbe Kana ne Galili, rẹn keghi rhie uyi ẹre maa vbe evba, avbe erhuanegbe ẹre keghi yae yi.

Iwinna 16:18

Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.

Iwinna 3:12

Ugbẹn vbe Pita ghi miẹn emwa nii hia, ọ tama iran wẹẹ, “Wa ne ivbi Izrẹl, vbọzẹ ne emwi na na yan uwa unu uan yi, vbe uwa ghi na tọn aro ye ima egbe hẹẹ? Te uwa ro ighe ẹtin obọ mwa ra umamwẹ mwa ọre ima ya ru ẹe ne okpia na na sẹtin ghe khian ra?

Iwinna 3:16

Ẹtin eni ẹnrẹn, ọre ọ rhie iwo vbe egbe ne okpia nọ te re uke na. Emwi ne uwa miẹn kevbe ne uwa rẹnrẹn na, iyayi eni ẹnrẹn ọre a ya ruẹe, iyayi eni Jesu ọre ọ sirra uwa hia mu ọmwa na egbe rran vbe nian.

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 9:33

Evba ọre ọ na do vba okpia ọkpa ne a tie ẹre Aeneas ne arọ kinmwi, ne ọ ma he sẹtin kpaegbe vbe ukpo erẹnrẹn gha dee.

Iwinna 9:35

Emwa hia ni rre Lida kevbe Siarọn ghi miẹn ọẹn, iran keghi do ya Nọyaẹnmwa yi.