Iwinna 9:31 - Edo Bible (E Baibol Ẹdo) Version 1996

³¹ Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Iwinna 9:31 ပူးပေါင်းရင်းမြစ်များ

I Krọnikol 22:18

Ọ wẹẹ, “E Nọyaẹnmwa ne Osanobua u wa, gha rrọọ yaba uwa, ọ keghi rhie ọfumwegbe ne uwa vbe igienenẹ. Ọ rhie ẹtin mẹ ne I ya khọn emwa ni te ka rre otọ ẹvbo na, banbanna nian ọguọmwadia uwa kevbe ọghe Nọyaẹnmwa ọ re iran ghi khin.

I Krọnikol 22:9

Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

Nehimaia 5:15

Iran hia ni gha re ne ọkhaemwisẹ ọ te do sẹ mwẹ egbe, ihẹ ọ re iran gha khin ne emwa nii, iran kegha miẹn iran igho esiliva iyeva vbe ẹdẹ zẹ vbe igho evbare kevbe ọghe ayọn. Uhin ighẹ te eguọmwadia iran gha sẹ emwa ni usẹ. Sokpan, I ma ru vberriọ, rhunmwuda, te I ya ọghọ ne Osanobua.

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Job 28:28

Osanobua keghi tama emwa nagbọn wẹẹ, ‘Deghẹ wa ho ne uwa gha wan, wa ghi gha ya ọghọ ne Nọyaẹnmwa. Ne uwa miẹn ehe na rẹn otọ emwi, te uwa gha fiwerriẹ hin ọkhọ rre.’ ”

Psalm 111:10

A rhie ọghọ ne Nọyaẹnmwa ọ re ọ ye ọmwa wan. Ọ rhie irẹnmwi ẹmwata ne iran ni rhie uhi ẹre mwẹ, te a ra gha rho ẹre rhinrin ẹdẹ.

Psalm 86:11

Nọyaẹnmwa, ma mwẹ emwi ne u ho ne I ru I gha họn ẹmwẹ ne uẹn kekhọekekhọe, ma mwẹ re ne I gha ga a, vbe ne I na wa mu aro yọ ẹsẹse.

Psalm 94:13

U rhie ikẹtin ne ẹẹn vbe ẹghẹ ibaro, a te do tọn uye ya mu ọmwa dan vbe ifi.

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 23:17

Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 33:6

Ọ gha rhie ẹkun ne ọ sotọ ne uhunmwu ẹvbo nii. Te irẹn wa degue emwa rẹn vbe ẹghẹ hia, ọ ghi vbe gha rhie ẹwaẹn kevbe irẹnmwi ne iran. Ẹfe ne ọ sẹẹ ehia ne iran mwẹ ọrọre ọghọ ne a ya ne Nọyaẹnmwa.

Zẹkaraia 8:20

E Nọyaẹnmwa ne Oghodua khare wẹẹ, “Ẹghẹ dee ne emwa nibun gha na ke ẹvbo nibun gha die Jerusalẹm.

Iwinna 12:24

Ẹmwẹ Osanobua kegha vẹ yọ, ọ na gha wan yọ.

Iwinna 16:5

Avbe esọsi keghi gha ye ọna wegbe sẹ ayọ vbe iyayi, iran na gha muan yọ ẹdẹgbegbe.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 20:32

“Wanwanna, I viọ uwa ne Osanobua gha su deba ẹmwẹ ẹsọhẹ ọghọe. Rẹn gha sẹtin ye uwa digiẹ, ọ ghi vbe rhie afiangbe ne ọ viọ khẹ emwa rẹn hia ne uwa.

Iwinna 5:11

Orrirri keghi gbe ku emwa esọsi hia kevbe emwa ọvbehe hia ni họn ẹmwẹ na.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 14:19

Rhunmwuda ọnii nian, wa gie ima gha rhie ekhọe ye ẹmwẹ emwi ne ọ gha rhie ọfumwegbe rre kevbe ne ọ gha rhie ẹtin ye egbe iwu.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 5:5

Idaehọ na ẹ i hiẹ ọmwa, rhunmwuda Osanobua tue ahoẹmwọmwa ẹnrẹn ye ima ekhọe nẹ vbekpa Orhiọn Ne Ọ Huanrẹn ne Osanobua ya ru ima ẹse.

I Kọrinti 14:12

Sokpan, vbene ẹmwẹ avbe emwi ne Orhiọn Osanobua ya we ọmwa ghi na bọbọ uwa egbe, wa ghi gie a miẹn ke odaro emwi hia wẹ ne ọ gha ru iyobọ ne esọsi ọre uwa mobọ lo sẹ vbọ.

I Kọrinti 14:26

Wa rẹn emwi ne I kha na ra etẹn mwẹ. Wa gha si koko ne a do ru ugamwẹ, orhiọnkpa mwẹ ihuan ne a gha so, ọmwa ọvbehe, emwi ne a ma emwa ẹre, ọmwa ọvbehe, emwi ne Osanobua ta ma rẹn. Ọmwa ọvbehe, ikporhu vbe ẹvbo ne a ma rẹn kevbe ọmwa ọvbehe, emwi ne a ya ẹmwẹ ni kha. Emwi hia ghi gha re ne ọ ya ọmwa ne ọ yo esọsi obọ.

II Kọrinti 10:8

Rhunmwuda, ekhue i ra mu mwẹ adeghẹ mẹ kue ya ẹe rhuọ gbe, ighẹ asẹ ne Nọyaẹnmwa rhie ne ima, asẹ ne a rhie ne ima ya ye uwa digiẹ ighẹ ẹ i re ne a ya dunmwu uwa sẹ otọ.

II Kọrinti 12:19

Ọ gha kẹe nian, te uwa ro ighẹ te ima ho ne a gui fan egbe mwa ye otọ vbe obọ uwa. Hiehiere. Vbene Kristi ho ne ima guan ọre ima guan na, vbe odaro Osanobua, emwi hia ne I a rhirhi ru, iho mwa, te ima ru ẹe ne a ya ye uwa obọ.

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Ẹfisọs 4:12

Te ọ ru ọna ne ọ miẹn ehe na mu emwa Osanobua egbe ye otọ ye iwinna ugamwẹ enọya Kristi yi, ne a miẹn ehe na de ẹre igie ighẹ ikinnegbe Kristi.

Ẹfisọs 4:16

Vbe ototọ asẹ ọghọe, ọre ina ni rre egbe hia na mama kugbe, vbene iran na vbe gu egbe ro, dọmwadẹ akhuẹn ne a rhie ne iran, keghi de ikinnegbe hia kugbe. Rhunmwuda ọnii a deghẹ dọmwadẹ ọghọe vbe uwu iran ghi winna vbene ọ kere ne ọ gha ru, egbe hia ghi do wan, ọ ghi vbe la ekpa aho ẹmwẹ ọmwa do de igiẹ

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Ẹfisọs 5:21

Wa gha gbe uhunmwu ke otọ ne egbe, rhunmwuda ọghọ ne uwa ya ne Jesu.

Diuteronomi 12:10

Wa gha fian Ẹzẹ Jọdan rra nẹ, e Nọyaẹnmwa gha gie uwa mu otọ nii ne uwa yin evba. Ọ gha degue uwa hin obọ avbe eghian uwa hia rre, ne uwa miẹn ehe na gha rrọọ vbe ọfumwegbe.

Filipai 2:1

Ẹdẹ agbọn ruẹn vbe uwu Kristi rhie iwegbe nuẹn ra? Wẹ gu nene Orhiọn mu obọ ra? Wa mwẹ itohan kevbe ẹnina egbe ra?

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

I Tẹsalonaika 5:11

Rhunmwuda ọnọna, wa gha rhie ẹtin ye egbe iwu, wa gha ye egbe obọ zẹ vbene uwa wa ruẹe na.

I Timoti 1:4

Wẹ ne iran da obọ avbe uma aranmwẹ nii yi kevbe eni ne ne lọghọọ ọghe avbe erha odede, rhunmwuda, imuan ẹmwẹ ọre ọ si rre, iran iru iyobọ ye ẹmwẹ Osanobua ne a ya iyayi rẹn.

Hibru 4:9

Vbene ọ rhirhi gha ye hẹ, vbene ọ ghi ye na nian, ọrọre wẹ, ikẹtin ọkpa ye rrọọ ne emwa Osanobua ne ọ vbe khọ vbene Osanobua hẹwẹ vbe ikpẹdẹ ne ogihinrọn.

Jọsua 21:44

E Nọyaẹnmwa keghi rhie ọfumwegbe ne iran vbe igie enenẹ zẹ vbe ne ọ yan ma avbe erha iran odede. A ma miẹn ọkpa vbe uwu avbe eghian iran hia ne ọ sẹtin da iran obọ yi, rhunmwuda, e Nọyaẹnmwa keghi gie ivbi Izrẹl khọnmiotọ vbe uhunmwu avbe eghian iran hia.

Ebe ne Jud gbẹẹn 1:20

Sokpan zẹ vbe ọghe uwa, wa ne ọse mwẹ, wa gha wo ye egbe vbe emwi iyayi uwa ne ọ huan sẹ. Wa gha na erhunmwu vbe ẹtin Orhiọn Ne Ọ Huanrẹn.

Giọgis 3:30

Ivbi Izrẹl keghi khọnmiotọ vbe uhunmwu e Moab ẹdẹ nẹdẹrriọ. Ọfumwegbe kegha rre otọe nii la ukpo iyenẹ.