Iwinna 9:24 - Edo Bible (E Baibol Ẹdo) Version 1996

²⁴ Sokpan emwa eso keghi do ya ẹmwẹ ha ẹre ehọ we ghe uma ne iran si. Iran kegha khẹ odẹ ne a la la ẹvbo ni asọn kevbe avan ne iran miẹn ehe na gbe ẹe rua.

Iwinna 9:24 ပူးပေါင်းရင်းမြစ်များ

Psalm 21:11

Iran si uma, iran keghi khuan khẹ ọre. Sokpan ẹi dunna ne iran.

Itan 24:15

Ghẹ yevbe ọmwa dan, ne ọ mwamwa vbene irẹn gha ya rha ọmwa ne ọ yin ẹse hẹ, ra vbe ne ọ gha mu ẹre owa hẹ.

Iwinna 20:19

Ke ameve kevbe imuegberriotọ ọre I ya winna iwinna mwẹ zẹ vbe ọguọmwadia e Nọyaẹnmwa vbe uwu ọlọghọmwa ne I miẹn vbe ne avbe Ju na gha khuan khẹ mwẹ.

Iwinna 20:3

Rẹn ghi te mu egbe ne ọ gha rrie Siria, ọ keghi vẹ nẹ rẹn ighẹ avbe Ju gha si uma ne iran gbe irẹn ruan, ọ na ghi wẹ ne iran ya la Masidonia dọlegbe gha rrie.

Iwinna 23:30

A ghi ya ha mwẹ ehọ ighẹ avbe Ju khuan ye otọ khẹ ọre, I na wẹ ne I rhie ẹre bu ruẹ gha dee. I tama iran ni gu ẹe gui ne iran do gu ẹe gui vbe ehe ne u ye.”

Iwinna 25:11

Adeghẹ I de iyi, ighẹ I ru emwikemwi ne ọ kere ne a gbe mwẹ uan baa, I ma wẹ ne a fan mwẹ fua. Sokpan a deghẹ ẹmwata i rre ẹzọ ne iran gun mwẹ gui, ọmwa rhọkpa i sẹtin gba mwẹ rhie fi iran obọ, I tọn ẹzọ mwẹ mu gha rrie ọghe Nọgbaisi.”

Iwinna 25:3

Iran rinmwian Fẹstọs ne ọ mu ọghọ ye iran egbe ne ọ rhie Pọl gha die Jerusalẹm, rhunmwuda iran khuan khẹ ọre nẹ ne iran gbe ẹe rua vbe odẹ.

Iwinna 9:25

Sokpan ọ ghi sẹ asọn ọkpa, iran ni lele Sọl khian keghi muẹn ye okhuae, iran na muẹn la uvun ekẹn ladian.

II Kọrinti 11:32

Ẹghẹ ne I na gha rre Damaskọs, enọkhaemwisẹ vbe ototọ Aretas ne ọba, keghi gie emwa ya gha khẹ onurho ẹvbo nii wẹ ne iran mu mwẹ.