Iwinna 9:23 - Edo Bible (E Baibol Ẹdo) Version 1996

²³ Ikpẹdẹ ni bun ghi gberra nẹ, avbe Ju keghi do iko si uma wẹ ne iran gbe Sọl rua.

Iwinna 9:23 ပူးပေါင်းရင်းမြစ်များ

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:19

Avbe Ju eso keghi ke Antiọk ne ọ rre otọ Pisidia kevbe Aikọniọm gha dee, iran ruẹn ẹmwẹ ye emwa nii ẹko ya viọ iran ba egbe, iran keghi filo okuta gbe Pọl, iran na hiọrọ ẹe fua hin adesẹ ore ẹvbo rre, iran te ro ighẹ ọ wu nẹ.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 15:26

Emwa ne ọ wa rhunmwuda ugamwẹ Nọyaẹnmwa Jesu Kristi rhie uhunmwu da ẹbe.

Iwinna 20:3

Rẹn ghi te mu egbe ne ọ gha rrie Siria, ọ keghi vẹ nẹ rẹn ighẹ avbe Ju gha si uma ne iran gbe irẹn ruan, ọ na ghi wẹ ne iran ya la Masidonia dọlegbe gha rrie.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Iwinna 9:16

Mẹ gha tobọ mwẹ rhie ma rẹn oya ne ọ gha re rhunmwuda mwẹ.”

Iwinna 9:22

Sokpan orhu ne Sọl kpe keghi wa dọlegbe gha mu otọ sẹ ayọ. Ẹmwẹ ne ọ ta ya rhan otọ ẹre ighẹ Jesu ọrọre nene Mẹzaia keghi la ehọ sẹrriọ wẹẹ a ma miẹn Ju ọkpa ne ọ sẹtin guee muan ẹnrẹn vbe Damaskọs.

II Kọrinti 11:26

Vbe okhian ni bun ni yo, I rhie uhunmwu mwẹ atataobọ vbe ẹzẹ ne ọ rro kevbe vbe obọ avbe izigan, vbe obọ avbe Ju ne iho mwa, kevbe avbe iran ne ẹ i re Ju, I rhie uhunmwu da ẹbe vbe adesẹ ore ẹvbo, ẹbe vbe otọe oha, ẹbe vbe ẹzẹ, ẹbe vbe obọ avbe ọse ne akọn giẹ.