Iwinna 9:22 - Edo Bible (E Baibol Ẹdo) Version 1996

²² Sokpan orhu ne Sọl kpe keghi wa dọlegbe gha mu otọ sẹ ayọ. Ẹmwẹ ne ọ ta ya rhan otọ ẹre ighẹ Jesu ọrọre nene Mẹzaia keghi la ehọ sẹrriọ wẹẹ a ma miẹn Ju ọkpa ne ọ sẹtin guee muan ẹnrẹn vbe Damaskọs.

Iwinna 9:22 ပူးပေါင်းရင်းမြစ်များ

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Psalm 51:13

Ẹghẹ nii; mẹ gha ma avbe emwa orukhọ uhi ruẹ, iran ghi dọlegbe bu ruẹ gha dee.

Psalm 84:7

Vbene iran ya nana sikẹ odaro, erriọ orhiọn ya la iran iwu. Iran gha miẹn Osanobua, ne ọ yan avbe osa hia, vbe uhunmwu e Zaiọn.

Aizaia 40:29

Rẹn ọ re ọ rhie ẹtin ne iran ne ẹtin fo kevbe ne egbe wọre.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iwinna 17:3

Ọ kegha rhan otọ ẹre, ọ kegha rhie ma wẹẹ ẹ i mwẹ ne Mẹzaia ghẹ rri oya kevbe ne a vbe huẹn ọnrẹn kapo vbe idin. Pọl keghi kha wẹẹ, “Jesu na ne I ta ẹmwẹ ọnrẹn ma uwa na, ọrọre nene Mẹzaia.”

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

Iwinna 9:21

Unu keghi yan emwa ni họn ẹn hia, iran kegha nọ wẹẹ, “Ọ na i re oko nii ne ọ gbele emwa ni ya eni na yi vbe Jerusalẹm? Ẹ i re ne ọ do munọ iran, ne ọ vbe viọ iran bu avbe igie ohẹn ọre ọ yae gha die edinran?”

Iwinna 9:23

Ikpẹdẹ ni bun ghi gberra nẹ, avbe Ju keghi do iko si uma wẹ ne iran gbe Sọl rua.

Iwinna 9:27

Ẹghẹ nii ọre Banabas na rre ọ keghi rhie ẹre bu avbe ukọ ọ keghi rhan otọ vbene Sọl miẹn Nọyaẹnmwa hẹ vbe odẹ kevbe wẹ Nọyaẹnmwa gu ẹe guan. Ọ keghi vbe tama iran vbe ne Sọl wa gha kpe orhu eni Jesu hẹ vbe Damaskọs vbe ne a i na fian afianma.

I Kọrinti 1:27

Sokpan te Osanobua wa yan ru ẹe wẹ, ne irẹn hannọ emwi ne agbọn tie ẹre akpa, ne ọ miẹn ehe na ya ekhue mu avbe umẹwaẹn.

Galatia 1:18

Vbe iyeke ukpo eha, I keghi do gha rrie Jerusalẹm, ne I ya họn vbene Pita gha kha hẹ, I keghi gbe uzọla eva vbe ehe ne ọ ye.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

I Timoti 1:12

I kpọnmwẹ Kristi Jesu Nọyaẹnmwa, ọmwa ne ọ rhie ẹtin mẹ ya winna iwinna mwẹ. I kpọnmwẹ ọẹn ye ne ọ na ka mwẹ ye ọmwa ne ọ kere, ọ keghi zẹ mwẹ yọ wẹ ne I gha ga irẹn.