Iwinna 9:19 - Edo Bible (E Baibol Ẹdo) Version 1996

¹⁹ Ọ ghi rri evbare nẹ, orhiọn keghi do la ẹre iwu. Sọl keghi gu avbe erhuanegbe tota vbe evba la ikpẹdẹ eso vbe Damaskọs.

Iwinna 9:19 ပူးပေါင်းရင်းမြစ်များ

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 11:29

Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 9:18

Vbe ọwarọkpa nii, emwi eso ne Ọ yevbe erhuan ehẹn keghi dele hiẹn aro e Sọl rre, ọ keghi dọlegbe gha dẹghe. Ọ keghi kpaegbe, a na sa amẹ nẹẹn.

Iwinna 9:26

Sọl kegha rrie Jerusalẹm, ọ keghi te gha ho ne ọ ya egbe ba avbe erhuanegbe. Sokpan iran ma yayi wẹ ọrhuanegbe nọ, ohan rẹn kegha mu iran hia.

Iwinna 9:38

Jopa ma rrei gbe vbe Lida. Avbe erhuanegbe ni rre Jopa ghi họn ighẹ Pita rre Lida, iran keghi gie arhunmwu eva bu ẹre wẹẹ, “Zẹgiẹ bu ima gha dee.”

Galatia 1:17

I ma vbe ye Jerusalẹm ya miẹn avbe iran ni ka gha re ukọ khẹ mwẹ. Sokpan, I na mwa gha rrie Arebia, vbe iyeke ọnii, I na vbe dọlegbe gha die Damaskọs.

I Samuẹl 30:12

Ọmọ ohọ ne a ka re deba ititi eva ọghe ọmọ erhan ọvbehe ne avbe kae hin rre. Ọ ghi rri evbare nẹ, orhiọn keghi la ẹre iwu. Ọ ma te re ọ ma da vbe ikpẹdẹ eha fẹẹrẹ.