Iwinna 9:18 - Edo Bible (E Baibol Ẹdo) Version 1996

¹⁸ Vbe ọwarọkpa nii, emwi eso ne Ọ yevbe erhuan ehẹn keghi dele hiẹn aro e Sọl rre, ọ keghi dọlegbe gha dẹghe. Ọ keghi kpaegbe, a na sa amẹ nẹẹn.

Iwinna 9:18 ပူးပေါင်းရင်းမြစ်များ

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 22:13

Rẹn keghi bu mwẹ gha dee, ọ keghi mudia ke mwẹ, ọ wẹẹ, ‘Sọl ne ọtẹn mwẹ, dọlegbe gha bẹghe,’ vbe ọwarọkpa nii, I keghi dọlegbe gha bẹghe, I na tọn aro mu ghe ẹre.

Iwinna 22:16

Wanwanna nian, de emwi ne u ghi ye mudia khẹ? Kpaegbe ne a sa amẹ nuẹn ne a miẹn ehe na kpe orukhọ ruẹ kua vbe ekpa ne u na datie eni ẹnrẹn.’

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

Iwinna 9:19

Ọ ghi rri evbare nẹ, orhiọn keghi do la ẹre iwu. Sọl keghi gu avbe erhuanegbe tota vbe evba la ikpẹdẹ eso vbe Damaskọs.

Iwinna 9:8

Sọl keghi kpaegbe vbe otọ, ọ na rhan aro a, sokpan ọ ma bẹghe emwi rhọkpa. Rhunmwuda ọnii, iran keghi rhie ẹre obọ, iran na rhie ẹre la Damaskọs.

II Kọrinti 3:14

Vbe ẹmwata, te a rhie emwi rhu iran ekhọe, ye do sẹ ẹdẹ nẹ rẹ na, te a ye rhie ukpọn nii rhu iran ekhọe vbe iran a gha tie ehe ile nẹdẹ. Ọmwa gha ghi ya egbe ba Kristi nẹ ọkpa, ọre a ghi na rhie ukpọn nii hin rre.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.