Iwinna 9:15 - Edo Bible (E Baibol Ẹdo) Version 1996

¹⁵ Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Iwinna 9:15 ပူးပေါင်းရင်းမြစ်များ

Jerimaia 1:5

“I zẹẹ uwẹ nẹ, I keghi rhie arrọọ nuẹn, vbe a te do biẹ ọ, I hannọ uwẹ rhie ladian nẹ ne u gha re akhasẹ avbe uhunmwu ẹvbo.”

Jerimaia 1:7

Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Matiu 10:18

A gha gu uwa gui ma enibuohiẹn kevbe avbe ọba rhunmwuda mwẹ, ne uwa miẹn ehe na kporhu Iyẹn Ne ọ maa ma iran kevbe iran ne ẹ i re Ju.

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Iwinna 21:19

Pọl ghi tue iran nẹ, ọ keghi na iyẹn emwi hia ne Osanobua la obọ iwinna irẹn ru vbe uwu iran ne ẹ i re Ju ma iran.

Iwinna 22:14

Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Iwinna 22:21

Nọyaẹnmwa keghi tama mwẹ wẹ, ‘Gha khian, rhunmwuda mẹ gha gie uwẹ gha rrie odẹ ne ọ rrei, bu avbe iran ne ẹ i re Ju.’ ”

Iwinna 25:22

Agripa keghi tama Fẹstọs, “Mẹ ho ne imẹ họn ẹmwẹ ene unu ọmwa na.” Fẹstọs wanniẹn wẹ, “U gha họn ene unu ẹnrẹn akhuẹ.”

Iwinna 26:1

Agripa keghi tama e Pọl wẹ, “A rhie ẹghẹ nuẹn nian ne u ya zẹ ne unu uẹn.” Pọl keghi nien obọ ladian ọ na suẹn gha zẹ ene unu ẹnrẹn, wẹẹ:

Iwinna 26:32

Agripa keghi tama Fẹstọs wẹẹ, “A gha te fan oko na fua akpawẹ ọ ma tọn ẹzọ ẹre mu gha rrie ọghe Nọgbaisi.”

Iwinna 27:24

‘Ghẹ mu ohan Pọl, te u gha mudia vbe odaro e Nọgbaisi, deba ẹre, Osanobua ne ọ maa, vbe ya orhiọn iran ne uwa gba gua khian ru uwẹ ẹse nẹ!’

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

Ebe ne Pọl gbẹẹn gie emwa Rom 1:5

Obọ ẹre ọre Osanobua la ru mwẹ ẹse wẹ ne I gha re Ukọ Osanobua vbekpa Kristi, ne I sẹtin ye emwa hia ni rre uhunmwu ẹvbo hia yayi kevbe ne iran vbe gha họn ẹmwẹ.

Ebe ne Pọl gbẹẹn gie emwa Rom 11:13

Wa ne ẹ i re Ju ọre I ra gu guan na. Ugbẹn vbe a ghi miẹn wẹ mẹ ọrọre ukọ iran ne ẹ i rẹ Ju, te I gha ye iwinna mwẹ ghagha.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

I Kọrinti 9:16

Ẹ i re ukpo mwẹ ne I gha rhuọ, rhunmwuda ighẹ I ghi he kpe orhu iyẹn ne ọ maa, ugbẹn vbe a miẹn wẹ, te a ya gie mwẹ uhunmwu ne I gha ru ẹe. Ọ gha ba so mwẹ gbe a deghẹ I ma kpe orhu iyẹn ne ọ maa.

Galatia 1:1

E Pọl, ọmwa ne a miẹn wẹ, ẹ i re obọ ọmwa ọre ọ ke rre, ẹ i re ọmwa ọre a gie vbe a tie ẹre ne ọ do gha re ukọ, vbe ẹ i re Jesu Kristi kevbe Osanobua ne Evbavba, ne ọ huẹn ọnrẹn kpaegbe vbe idin, ọre ọ gbẹn ebe na rre.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 1:11

Osanobua zẹ mwẹ, ne I gha kpe orhu nene Iyẹn Ne ọ maa, zẹ vbe ukọ kevbe ọmaemwaemwi.

II Timoti 2:4

Ovbiyokuo ne ọ ye yo igbinna, te ọ gha ho ne ọ ru emwi ne ọ gha yẹ arowa ne ọ gbe aro ghe iran, rhunmwuda ọnii, ẹ i khian gha gbe egbe avbe emwi ne emwa kẹkan ni rre ẹvbo ru.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”