Iwinna 9:14 - Edo Bible (E Baibol Ẹdo) Version 1996

¹⁴ Ogie Ohẹn ọre ọ vbe gbẹn ebe ya rhie asẹ nẹẹn ne ọ gha die Damaskọs ne ọ do munọ emwa ne ọ ghi da tie eni ruẹn.”

Iwinna 9:14 ပူးပေါင်းရင်းမြစ်များ

Iyẹn ne ọ Maan Ọghe Jọn 15:21

Sokpan iran gha ru uwa avbe emwi na hia rhunmwuda ighe uwa re ogho mwẹ, rhunmwuda iran ma rẹn ọmwa ne ọ gie mwẹ.

Iwinna 22:16

Wanwanna nian, de emwi ne u ghi ye mudia khẹ? Kpaegbe ne a sa amẹ nuẹn ne a miẹn ehe na kpe orukhọ ruẹ kua vbe ekpa ne u na datie eni ẹnrẹn.’

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”

Iwinna 9:21

Unu keghi yan emwa ni họn ẹn hia, iran kegha nọ wẹẹ, “Ọ na i re oko nii ne ọ gbele emwa ni ya eni na yi vbe Jerusalẹm? Ẹ i re ne ọ do munọ iran, ne ọ vbe viọ iran bu avbe igie ohẹn ọre ọ yae gha die edinran?”

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

II Timoti 2:22

Gha bi egbe hin orriarria ibiẹka, u ghi gha gbinna ne emwi ẹmwata, iyayi, kevbe ahoẹmwọmwa kevbe ọfumwegbe vbe uwu a ku obọ gbe ba iran ni ye ekhọe ne ọ huanrẹn datie Nọyaẹnmwa, ne ọ yi iran obọ.