Iwinna 9:11 - Edo Bible (E Baibol Ẹdo) Version 1996

¹¹ Nọyaẹnmwa keghi tama rẹn wẹẹ, “Mu egbe ne u gha rrie Idunmwu Nọdiae, u gha ghi sẹ owa Judas, u ghi nọ ẹmwẹ ovbi e Tasọs ọkpa ne a tie eni ẹnrẹn Sọl ọ gha na erhunmwu.

Iwinna 9:11 ပူးပေါင်းရင်းမြစ်များ

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iwinna 11:13

Ọ keghi tama ima vbene irẹn miẹn odibosa hẹ, vbene ọ mudia ye uwu owa irẹn hẹ, ọ na tama irẹn wẹẹ, ‘Gie ọmwa gha rrie Jopa ne u ya tie ọmwa ọkpa ne a tie eni ẹnrẹn Saimọn Pita.

Iwinna 11:25

Ẹghẹ nii ọre Banabas na gha rrie Tasọs ya gualọ Sọl.

Iwinna 2:21

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

Iwinna 21:39

E Pọl keghi wanniẹn wẹẹ, “E Ju ọre I khin, Tasọs ne ọ rre Sisilia, ọre a na biẹ mwẹ, ovbi ẹvbo ne ẹ i re akhua ọre I khin. Lahọ gun mwẹ gu emwa na guan.”

Iwinna 22:3

“Ovbi e Ju ọre I khin, Tasọs ne ọ rre Silisia ọre a na biẹ mwẹ, sokpan Jerusalẹm na ọ re I na wan vbe ehe ne I na gha ruẹ ebe vbe obọ Gamaliẹl. Te a wa mobọ ma mwẹ emwi dinmwi vbe Uhi avbe erha mwa odede. Mẹ keghi vbe rhie egbe ye ẹmwẹ ugamwẹ Osanobua ẹsẹse zẹ vbene uwa ni rre emwa na ẹrẹna vbe ye.

Iwinna 8:22

Rhunmwuda ọnii, ro iro fi uyinmwẹ werriẹ vbe emwi dan ne u mwamwaẹn na, ne u vbe na erhunmwu ghe Nọyaẹnmwa, ne ọ miẹn ehe na ya ẹe bọ ọ ighẹ ne u na gha zẹ egbe iro vbe nian vbe ekhọe ruẹ.

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

Iwinna 9:30

Ugbẹn vbe emwi na ghi vẹ ne avbe etẹn rẹn, iran keghi rhie Sọl gha rrie Sisaria, iran na ke evba rhie ẹre gha rrie Tasọs.

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.