Iwinna 9:10 - Edo Bible (E Baibol Ẹdo) Version 1996

¹⁰ Ọrhuanegbe ọkpa ne a tie ẹre Ananaias keghi re Damaskọs ugbẹn vbe ọ ghi miẹn umian, Nọyaẹnmwa tama rẹ wẹẹ, “Ananaias!” Rẹn keghi wanniẹn wẹẹ, “Ghe mwẹ Nọyaẹnmwa.”

Iwinna 9:10 ပူးပေါင်းရင်းမြစ်များ

Gẹnẹsis 14:15

Rẹn vbe emwa rẹn keghi ghae ye otu vbe evba, iran keghi dekun iran vbe odẹ ekẹn ọghe Damaskọs.

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Gẹnẹsis 31:11

Odibo Osanobua keghi tama mwẹ vbe imina wẹẹ, ‘Jekọb’ I keghi wanniẹn wẹẹ, ‘Ghe mwẹ’.

II Samuẹl 15:26

Sokpan, adeghẹ ẹmwẹ mwẹ ma ghi ye ọre, ọ maa, wẹ ne ọ ru mwẹ emwi ne ọ rre irẹn ekhọe.”

Ẹksọdọs 3:4

E Nọyaẹnmwa ghi miẹn ighẹ e Mosis hẹko sikẹ ọre, Osanobua keghi datie ẹre ke uwu erhẹn nii rre, ọ wẹẹ, “Mosis! Mosis!” Rẹn na wanniẹn wẹẹ, “Ghe mwẹ vbe emwa na.”

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Daniẹl 2:19

Vbe Asọn nii zẹẹ, a keghi ta imina nii ma e Daniẹl vbe aro umian, rẹn keghi rho Osanobua ẹrinmwi:

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Iwinna 10:3

Ẹdẹ ọkpa, vbe odẹ ihe ẹgogo eha vbe avan, rẹn keghi miẹn umian ne ọ na wa bẹghe odibo Osanobua ọkpa vbe ọ bu ẹre gha dee do tama rẹn wẹẹ, “Kọniliọs!”

Iwinna 11:5

“Jopa ọre I gha ye, ugbẹn vbe I ghi na erhunmwu, I keghi miẹn umian. I keghi miẹn emwi ọkpa ne ọ ye vbe ukpọn ne a taẹn, ne a de ẹre abọ enenẹ, a keghi mu ẹn tuorre ke odukhunmwu dee, ọ keghi mudia vbe odaro mwẹ.

Iwinna 12:9

Pita keghi lele ẹe ladian vbe uwu ẹwẹdọ sokpan ọ ma gi ẹe rẹn deghẹ ẹmwata ọre emwi ne odibosa ru khin, ọ keghi te gha ro ighẹ te irẹn miẹn umian.

Iwinna 16:10

Vbe ọwarọkpa vbe Pọl ghi miẹn umian na nẹ, ma keghi mu egbe ne a gha rrie Masidonia, rhunmwuda ma khare wẹ te Osanobua tie ima ne a ya kpe orhu Iyẹn Ne ọ maa ma emwa ni rre evba.

Iwinna 16:9

Asọn ii, Pọl keghi miẹn umian vbe uwu ne ọ na miẹn ovbi Masidonia ọkpa ne ọ mudia gha rinmwiaẹn wẹẹ, “Gha die Masidonia ne u do yi ma obọ!”

Iwinna 18:9

Vbe asọn ọkpa, Pọl keghi miẹn umian, Nọyaẹnmwa tama rẹn vbe umian ni wẹẹ, “Ghẹ gie ohan muẹn, gha kpe orhu khian, ghẹ da obọ yi.

Iwinna 2:17

“ ‘Ọ gha sẹ ẹdẹ okiekie, erriọ Osanobua khare: I gha hihiẹ Orhiọn mwẹ yan emwa hia. Ivbi uwa ne ikpia kevbe ne ikhuo gha guan ẹmwẹ akhasẹ avbe igbama ghi gha miẹn umian, avbe ọmaẹn ghi gha mian imina.

Iwinna 22:12

“Okpia ọkpa ne a tie eni ẹnrẹn Ananaias keghi rrọọ, ọmwa ne ọ mwẹ ekhọe ne a ya ga ẹsẹse, ọ kevbe ya Uhi ima ru emwi, ọ keghi vbe gha re ne ivbi e Ju hia ni rre Damaskọs ya ọghọ na ẹsẹse.

Iwinna 9:12

Rẹn ghi rre aro umian, ọ keghi miẹn okpia ọkpa ne a tie eni ẹnrẹn Ananaias vbe ọ la owa do viọ obọ ẹre yan irẹn ne aro ẹre miẹn ehe na rhan, ne ọ dọlegbe gha bẹghe.”

Iwinna 9:9

Vbe ikpedẹ eha vbọ ọ ma sẹtin bẹghe, vbe uwu ẹghẹ nii, ọ ma re ọ ma da.

II Kọrinti 11:32

Ẹghẹ ne I na gha rre Damaskọs, enọkhaemwisẹ vbe ototọ Aretas ne ọba, keghi gie emwa ya gha khẹ onurho ẹvbo nii wẹ ne iran mu mwẹ.

Galatia 1:17

I ma vbe ye Jerusalẹm ya miẹn avbe iran ni ka gha re ukọ khẹ mwẹ. Sokpan, I na mwa gha rrie Arebia, vbe iyeke ọnii, I na vbe dọlegbe gha die Damaskọs.

I Samuẹl 3:4

E Nọyaẹnmwa keghi tie Samuẹl, rẹn keghi khuẹnniẹn wẹẹ: “Ghe mwẹ evbavba!”