Iwinna 8:9 - Edo Bible (E Baibol Ẹdo) Version 1996

⁹ Okpia ọkpa ne a tie ẹre Saimọn keghi rre ẹvbo ni, ọ keghi kpẹe kherhe ne ọ kegha zẹ ọbo edunna ya runran emwa Sameria. Ọ kegha kha ighẹ ọmwa nọkhua rẹn khin.

Iwinna 8:9 ပူးပေါင်းရင်းမြစ်များ

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Ẹksọdọs 7:22

Ẹre ọbo edunna ọghe ọba na vbe ya ẹbo edunna ru ẹe, ọba keghi dọlegbe yin ehọ sayọ. Ọ ma zẹdẹ zẹye Mosis kevbe Errọn re zẹ vbe ne Nọyaẹnmwa kha re

Ẹksọdọs 9:11

Avbe ọbo edunna ma ghi sẹtin rre do miẹn e Mosis rhunmwuda, uruvba gba iran egbe hia zẹvbe ne ivbi Igipt nekpa vbe ye.

Levitikọs 20:6

“De ghẹ ọmwaikọmwa yo ọghe iran ni gu avbe eniwu nẹ guan, I gha mu aro da ẹre, mẹ i ghi ra vbe ka ẹe ba emwa mwẹ.

Iyẹn ne ọ Maan Ọghe Jọn 7:18

Ọmwa ne ọ zẹ ẹmwẹ obọ ẹre ta, uyi egbe ẹre ọ gualọ. Sokpan ọmwa ne ọ ho uyi ọmwa ne ọ gie ẹe ghi gha yin uyinmwẹ ne ọ diae, ẹ i ru ero.

Iwinna 13:6

Iran keghi wa fian ẹvbo ne amẹ lẹga ni rra gha rrie Pafọs, iran keghi dekun ọbo edunna ọkpa ne a tie eni ẹnrẹn Ba-Jesu vbe evba, ovbi e Ju ọkpa ne ọ vbe gha tie egbe ẹre akhasẹ.

Iwinna 13:8

Sokpan, Elimas ne ọbo edunna na (erriọ a tie ẹre vbe Grik) keghi gha gbe odan ye iran ẹmwẹ, ọ keghi ho ne ọ rhie ekhọe Enogie hin iyayi ni rre.

Iwinna 5:36

Vbe nẹdẹ eso, Tiudas ladian ọ wẹ a ma he miẹn egbe irẹn ẹdẹ, emwa ni sẹ uri eva keghi ye egbe ba ẹre. Sokpan, a ghi gbe ẹe rua nẹ, emwa ni te lele ẹe khian keghi zagha, otu ne ọ mu gbọọ keghi wiẹghẹ ua.

Iwinna 8:11

Ọ kpẹe sẹrriọ ne ọ kegha ya obọ edunna rẹn runran iran wẹ te emwa hia ghi danmwehọ ẹre ẹsẹse.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

II Timoti 3:2

Rhunmwuda, emwa ghi khian ni rẹn enegbe iran ọkpa, iran ghi gha zuan, kevbe orhuọ, a ghi gha ya obọ so udu, iran ghi gha filo unu, iran i ghi họn ẹmwẹ evbibiẹ iran, emwa ẹse oghodan, iran i ghi ga Osanobua.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.