Iwinna 8:7 - Edo Bible (E Baibol Ẹdo) Version 1996

⁷ Avbe orhiọn dan kegha so ladian vbe uwu emwa ni bun, a kevbe mu arọe kevbe uke ni bun egbe rra.

Iwinna 8:7 ပူးပေါင်းရင်းမြစ်များ

Aizaia 35:6

Arọ gha san ghe odukhunmwu, ọ ghi gha kuu. Iran ni i sẹtin guan gha davan ne oghọghọ. Amẹ ẹzẹ ne ọ lẹ, gha lẹ la adesẹ ato.

Matiu 10:1

Jesu keghi tie iran iweva ne erhuanegbe ẹre si koko. Ọ rhie ẹtin ne iran ne iran ya gha khulo avbe orhiọn esu ladian, ne iran gha sinmwi emwa nikhuọnmwi kevbe ni huẹhuẹ hia.

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Iyẹn ne ọ Maan Ọghe Mak 9:26

Orhiọn nii keghi datu, ọ nien ọvbokhan ni uan, ọ keghi ladian, ọvbokhan nii na wa ye vbe orinmwi, sẹrriọ ne emwa hia ghi na gha kha wẹ, “Ọ wu.”

Iyẹn ne ọ Maan Ọghe Luk 10:17

Iran eva yan ekigbesiyenẹ nii keghi ye oghọghọ gha die owa. Iran wẹẹ, “Nọyaẹnmwa, avbe orhiọn esu wa họn ẹmwẹ ima vbe ima ye eni ruẹn gu iran guan!”

Iyẹn ne ọ Maan Ọghe Jọn 14:12

Ẹmwata ọre I tama uwa, ọmwa ne ọ ya mwẹ yi, Ọ gha winna iwinna ne imẹ winnaẹn. Vbe ẹmwata ogha winna iwinna ni sẹ enena, rhunmwuda mẹ rrie ehe ne Evbavba ye.

Iwinna 5:16

Emwa kegha vẹ ke ẹvbo ni rre ọkpẹn Jerusalẹm rre, iran viọ emwa iran ni khuọnmwi kevbe ni mwẹ orhiọn esu gha de, a keghi mu ehia egbe rran.

Iwinna 8:6

Emwa ni bun ni rre evba keghi wa kakabọ gha danmwehọ ẹmwẹ ne Filip ta vbe iran họn ẹmwẹ ọnrẹn, kevbe iran miẹn avbe iwinna ọyunnuan ne ọ winnaẹn.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.