Iwinna 8:36 - Edo Bible (E Baibol Ẹdo) Version 1996

³⁶ Vbene iran khian vbe odẹ nii, iran keghi do sẹ ihe ọkpa ne amẹ ye, ọka iwinna ni keghi kha wẹẹ, “Ghe amẹ vbe emwa na, de emwi ne ọ gha zẹ ne a i ra na sa amẹ mẹ nian?” [

Iwinna 8:36 ပူးပေါင်းရင်းမြစ်များ

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Matiu 3:11

Amẹ ọre imẹ ya samẹ ne uwa ne ọ rhie ma ighe wa gele zobọ vbe orukhọ ne a ru. Sokpan ọmwa ne ọ ghi ra rre lele mwẹ gha ya Orhiọn Ne Ọ Huanrẹn kevbe erhẹn samẹ ne uwa. Rẹn kpọlọ sẹ mwẹ ẹsẹse, mẹ ma sẹ ne ọ gha ban ẹre ibata vbe owẹ.

Matiu 3:6

Iran miẹn Orukhọ iran kue. Ọ keghi samẹ ne iran vbe ẹzẹ Jọdan.

Iyẹn ne ọ Maan Ọghe Jọn 3:23

Jọn kevbe gha sa amẹ ne emwa vbe Aenọn ne ọ ma rrei gbe vbe Salim rhunmwuda amẹ mobọ rre evba. Emwa kegha bu ẹre yo, ọ na gha sa amẹ ne iran. (

Iyẹn ne ọ Maan Ọghe Jọn 3:5

Jesu wanniẹn tama rẹn wẹẹ, “Ẹmwata ne ẹmwata ọre I tama ruẹn wẹ ọmwa ọkpa ne ọ gha sẹtin la Arriọba Osanobua ẹ i rrọọ vbe i re te a ye amẹ kevbe Orhiọn biẹ ọe.

Iwinna 10:47

“Iran na miẹn Orhiọn Ne Ọ Huanrẹn zẹ vbene ima vbe miẹn. Ọmwa ọkpa rrọọ ne ọ gha wẹ ne a ghẹ ye amẹ sa amẹ ne iran ra?”

Iwinna 8:37

Filip khama rẹn wẹẹ, “A sẹtin sa amẹ nuẹ a deghẹ u ya ekhọe ruẹ hia yayi?” Rẹn wanniẹn wẹ, “I yayi, I yayi ghe Ovbi Osanobua ọre Jesu Kristi khin.”]

I Jọn 5:6

Jesu Kristi ọrọre ọmwa ne ọ rre, ọ rre ke irẹn kevbe amẹ ọghẹ isamẹ ọnrẹn kevbe esagiẹn ọghe uwu ẹre. Ẹ i re rẹn vbe amẹ ọkpa ọre ọ rre, sokpan ke irẹn kevbe amẹ kevbe esagiẹn. Nene Orhiọn tobọ ẹre vbe se osẹe wẹ ẹmwata ọ na khin, rhunmwuda, ẹmwata ọre nene Orhiọn khin.