Iwinna 8:35 - Edo Bible (E Baibol Ẹdo) Version 1996

³⁵ Filip keghi suẹn gha guan, ọ ke ehe ne ọ tie re vbe ebe na la rọ, ọ na kpe orhu Iyẹn Ne ọ maa ọghe Jesu ma rẹn.

Iwinna 8:35 ပူးပေါင်းရင်းမြစ်များ

Matiu 5:2

ọ keghi suẹn gha ma iran emwi, ọ wẹẹ:

Iyẹn ne ọ Maan Ọghe Luk 24:27

Jesu keghi rhan otọ ẹmwẹ hia ne Ebe tae vbekpa irẹn ma iran. Ọ keghi suẹn vbe ebe Mosis rhinrin ya sẹ emwi ne avbe akhasẹ gbẹnnẹ.

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 18:28

Rhunmwuda, ọ keghi ya imuan ẹmwẹ ọnrẹn ne ọ wo vbe egbe ya avbe Ju rhie obọ gue unu iran, vbe iran a vba egbe vbe ẹbu emwa, ọ keghi ya ẹmwẹ Ebe ni rhie ma wẹ, Jesu ọrọre nene Mẹzaia.

Iwinna 19:13

Avbe Ju eso ni gha lele ehe hia khian, iran na vbe gha khulo orhiọn dan ladian keghi vbe te gha ho ne iran gha so eni Jesu ya ru emwi na. Iran ghi khama avbe orhiọn dan ni wẹẹ, “I ya eni Jesu ne Pọl kpe orhu ẹre khian yi iyi nuẹn.”

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 3:20

Vberriọ ọre ẹghẹ iwo vbe egbe orhiọn, gha na ke ehe ne Nọyaẹnmwẹ ye gha dee, ne ọ miẹn ehe na gie Jesu ne ọre Mẹzaia ne irẹn zẹe ye otọ ne uwa nẹ gha dee.

Iwinna 5:42

Iran kegha yo Ọgua Osa ugbugbẹhia. iran keghi vbe gha ya dọmwadẹ owa ya gha ma emwa emwi kevbe ne iran gha kpe orhu Iyẹn Ne ọ maa ọghe Jesu ne Mẹzaia.

Iwinna 8:34

Ọka iwinna ni tama Filip wẹẹ, “Tama mwẹ, de ọmwa ne akhasẹ na kha yi? Egbe ẹre ra ọmwa ọvbehe?”

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

I Kọrinti 1:23

Sokpan, Jesu vbe uhunmwu ugbugbe ma kpe orhu ẹre, ẹmwẹ ne ọ mu avbe Ju ohu, nọ vbe re ẹmwẹ eghẹrẹ vbe obọ iran ne ẹ i re Ju.

I Kọrinti 2:2

Rhunmwuda, te I mobọ wa yan ta ẹe ighẹ I gha rre ehe ne uwa ye, emwi ọvbehe i rrọ ne I gha yerre gberra ẹmwẹ Jesu, kpataki, ọghe uwu ne ọ wu vbe uhunmwu ugbugbe.

II Kọrinti 6:11

Wa ne ọse mwẹ ni rre Kọrinti, te ima wa yan ta ẹmwata ma uwa, te ima wa fannọ otọ ẹko mwa ma uwa.

Ẹfisọs 4:21

Vbe ne a i na gbe awẹawẹ, wa họn ẹmwẹ ọnrẹn, kevbe zẹ vbe emwa ni lele ẹe khian, a vbe ma uwa ẹmwata ne ọ rre uwu Kristi.