Iwinna 8:33 - Edo Bible (E Baibol Ẹdo) Version 1996

³³ Iran fa ẹre rua, iran bu eku gbe ẹe. A i miẹn ne ọ gha ghi sẹtin kha nian wẹ ghe uniẹn ivbi ẹre. Rhunmwuda, ẹdẹ ọre vbe agbọn na fo nẹ.”

Iwinna 8:33 ပူးပေါင်းရင်းမြစ်များ

Job 34:5

E Job wẹẹ rẹn i mwẹ abe rhọkpa, wẹẹ te Osanobua ma bu ohiẹn ẹmwata ne irẹn.

Psalm 22:15

Ẹho mwẹ kae zẹvbe ikpekhae, aranmwẹ mwẹ, keghi sikan mu ighehe mwẹ. U sẹmwẹ rae zẹvbe orinmwi ye uwu ebubẹ.

Psalm 22:30

Avbe orre ni dee hia, gha ga ẹe, emwa gha na iyẹn Nọyaẹnmwa, ma avbe orre ni dee.

Aizaia 10:2

Erriọ ọ re uwa ru ẹe ne uwa i na gie emwi ne ọ khẹke avbe ivbiogue sẹ iran obọ, wa i gie a bu ohiẹn ẹmwata ne iran. Erriọ ọre uwa vbe ya viọ ukhu ne ọ sẹ ẹgbẹ kevbe emọ ne ẹ i mwẹ erha obọ.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Aizaia 53:8

A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Habakọk 1:4

Te uhi ye mitan mitan, ẹ i vbe mwẹ esa, a i vbe bu ohiẹn ẹmwata. Emwa dan ghi gha rria ase emwa ẹmwata, rhunmwuda ọnii, te ohiẹn ghi khian ne a khiẹn bu.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Iwinna 8:34

Ọka iwinna ni tama Filip wẹẹ, “Tama mwẹ, de ọmwa ne akhasẹ na kha yi? Egbe ẹre ra ọmwa ọvbehe?”