Iwinna 8:31 - Edo Bible (E Baibol Ẹdo) Version 1996

³¹ Ọka iwinna ni wanniẹn tama rẹn wẹẹ, “Vbe I a ghi ra na rẹn ọnrẹn hẹ vbe ẹ i re te I miẹn ne ọ rhan otọ ẹre ma mwẹ.” Rẹn keghi tama Filip ne ọ la uwu ikẹkẹ okhuae nii do gu irẹn tota.

Iwinna 8:31 ပူးပေါင်းရင်းမြစ်များ

II Ọba 5:26

Sokpan Elaisia tama rẹn wẹẹ, “Orhiọn mwẹ ma gu uwẹ mudia vbe evba ra vbe ẹghẹ ne okpia nii na tuorre vbe ikẹkẹ okuo ẹre ne ọ do khian vba ruẹ? Ọ na i re ẹghẹ ne a ya miẹn emwa igho, ukpọn ofigbọn oliv kevbe ebe ẹre, ogba azara, ohuan kevbe ẹmila kevbe eguọmwadia.

II Ọba 5:9

Ẹre Naaman kevbe ẹsin ẹnrẹn kevbe ikẹkẹ okuo ẹre na gha khian, iran na ya yakọ vbe onurho owa Elaisia.

Psalm 73:22

I keghi wa kọn de ẹwe ua, I ma rẹn emwi ne uwẹ gha a ru.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iwinna 8:30

Filip rhulẹ sikẹ ọre, ọ keghi họn vbe ọ tie ebe akhasẹ Aizaia ọ keghi nọ rẹn wẹẹ, “U rẹn emwi ne a yae kha nian ighẹ ebe e u tie na?”

Iwinna 8:32

Ehe ne ọ gha tie vbe ebe ọre ọna khin: “Rẹn yevbe ohuan ne a mu ne a ra ya gbe ua, rẹn yevbe ovbiohuan ne ọ ma tu vbe a giagia re eto. Ọ ma ta ẹmwẹ ọkpa.

Ebe ne Pọl gbẹẹn gie emwa Rom 10:14

Sokpan vbe iran gha na datie ẹre hẹ yi deghẹ iran ma yayi? Vbe iran gha na yayi hẹ deghẹ iran ma họn nene ẹmwẹ? Vbe iran gha na họn hẹ deghẹ i re te a kpe orhu ẹre.

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

I Kọrinti 8:2

Ọmwa ne ọ ro ighẹ rẹn rẹn emwi, ọ ma he rẹn emwi sẹ vbene ọ te kei nẹẹn.

Jems 1:10

Erriọ vbe nọ ne ọtẹn ne ọ fe, a deghẹ Nọyaẹnmwa ghi vbe si ẹe kẹ otọ. Rhunmwuda, ọmwa ẹfe gha fafaa zẹ vbene obobo ne ọ rre uwu oha.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.