Iwinna 8:30 - Edo Bible (E Baibol Ẹdo) Version 1996

³⁰ Filip rhulẹ sikẹ ọre, ọ keghi họn vbe ọ tie ebe akhasẹ Aizaia ọ keghi nọ rẹn wẹẹ, “U rẹn emwi ne a yae kha nian ighẹ ebe e u tie na?”

Iwinna 8:30 ပူးပေါင်းရင်းမြစ်များ

Psalm 119:32

Mẹ gha ya isasegbe mu uhi ruẹ sẹ, rhunmwuda, u gha rhie irẹnmwi mẹ sayọ.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Matiu 13:19

Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Matiu 13:23

Emwiokọ ni rre otọ ne ọ maa ọrọre iran ni họn ẹn, ọ keghi vbe la iran ekhọe, iran kevbe mọ ọmọ eso iyisẹn, eso iyeha, eso ọgban.”

Matiu 13:51

Jesu keghi nọ avbe erhuanegbe ẹre wẹẹ, “Wa rẹn otọ avbe ẹmwẹ na ra?” Iran wanniẹn tama rẹn wẹẹ, “Ẹn o.”

Matiu 15:10

Jesu keghi si emwa hia koko, ọ khama iran wẹẹ, “Wa danmwehọ, wa gie ẹmwẹ na la uwa ekhọe.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Iyẹn ne ọ Maan Ọghe Mak 13:14

“Wa ghi do miẹn ‘Omurhia Ne Ugborrirri’ vbe ọ gha miẹndia ye ehe ne ọ ma khẹ ke.” (Wẹ ne ọ tiebe na, hia ne u rẹn odun ẹmwẹ na.) “Ẹghẹ nii wa ni rre Judia, wa lẹ gha rrie uhunmwu oke.

Iyẹn ne ọ Maan Ọghe Jọn 4:34

Jesu tama iran wẹẹ, “Evbare mwẹ ọrọre ne I họn ẹmwẹ ọmwa ne ọ gie mwẹ uhunmwu, ne I vbe winna okhuo ne ọ fian mẹ fo.

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iwinna 8:27

Rhunmwuda ọnii, Filip mu egbe, ọ na gha khian. Ọghẹrriẹnoguan ọkpa, ọmwa Etiopia keghi ke ehe di owa. Okona keghi wa re ọmwa kpataki, rẹn ọrọre ọmwa ne ọ gbe aro ghe aza ọba nokhuo ra Kandes ọghe Etiopia. Te irẹn yo Jerusalẹm ya ga Osanobua.

Iwinna 8:29

Orhiọn Ne Ọ Huanrẹn keghi tama Filip wẹẹ, “Tua okhian ne u sikẹ ikẹkẹ okhuae na.”

Iwinna 8:31

Ọka iwinna ni wanniẹn tama rẹn wẹẹ, “Vbe I a ghi ra na rẹn ọnrẹn hẹ vbe ẹ i re te I miẹn ne ọ rhan otọ ẹre ma mwẹ.” Rẹn keghi tama Filip ne ọ la uwu ikẹkẹ okhuae nii do gu irẹn tota.

Iwinna 8:5

Filip kegha rrie adesẹ ore ẹvbo Sameria, ọ ya kpe orhu ẹmwẹ Mẹzaia ma emwa ni rre evba.

I Kọrinti 14:19

Sokpan, a gha ru ugamwẹ, I ta ifiẹmwẹ isẹn ne a rẹn otọ ẹre, ne I miẹn ehe na ma emwa ọvbehe emwi, ọre ọ maa sẹ ne I talọ ẹmwẹ arriaisẹn arriaisẹn vbe urhu ne a ma rẹn.

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

Arhie Maan 13:18

Ogie ẹwaẹn ọna gualọ, ọmwa ne ọ wa mwẹ irẹnmwi ẹsẹse gha sẹtin rria emwi ne a ya olaba aranmwẹ oha nii kha rhunmwuda olaba na, eni okpia ọkpa ọre ọ mudia ye ihe ẹre. Nene olaba kegha re ehan yan iyeha yan uri eha (666.)