Iwinna 8:29 - Edo Bible (E Baibol Ẹdo) Version 1996

²⁹ Orhiọn Ne Ọ Huanrẹn keghi tama Filip wẹẹ, “Tua okhian ne u sikẹ ikẹkẹ okhuae na.”

Iwinna 8:29 ပူးပေါင်းရင်းမြစ်များ

Aizaia 65:24

Iran te na erhunmwu fo, erhunmwu iran mẹ họn nẹ.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Iwinna 10:19

Te Pita he ye ro ẹmwẹ emwi ne a ya umian nii kha vbe Orhiọn tama rẹn wẹ “Gha họn vbe arhin eha gualọ uẹ dee.

Iwinna 11:12

Orhiọn keghi tama mwẹ wẹ ne I lele iran vbe ne a i na gbe ọkhọn mwẹ ẹ i khọn mwẹ. Avbe etẹn ima ne ehan na vbe lele mwẹ gha rrie Sisaria, ma hia keghi la owa Kọniliọs.

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

Iwinna 8:28

Owa ọre ọ ghi de vbe ẹghẹ na, ọ keghi tota ye uwu ikẹkẹ okhuae, ọ kegha tie ebe akhasẹ Aizaia.

Iwinna 8:30

Filip rhulẹ sikẹ ọre, ọ keghi họn vbe ọ tie ebe akhasẹ Aizaia ọ keghi nọ rẹn wẹẹ, “U rẹn emwi ne a yae kha nian ighẹ ebe e u tie na?”

Iwinna 8:39

Ugbẹn vbe iran ghi ke uwu amẹ ladian, Orhiọn Nọyaẹnmwa keghi mu Filip kpao. Ọka iwinna nii ma ghi miẹn ọẹn sokpan ọ keghi si okhian, ẹko ẹre keghi vuọn ne oghọghọ.

I Kọrinti 12:11

Ọ rhie ẹtin ne a ya ye urhu ne a ma rẹn guan ne emwa eso, ọ kevbe rhie ẹtin ne a ya zẹ edu urhu ne a ma rẹn na ne emwa eso. Sokpan Orhiọn ọkpa nii ọ re ọ ru avbe emwi na hia, ọ ghi ya emwi ughughan we dọmwadẹ ọghọe zẹ vbe ne ọ yẹ ọre.

I Timoti 4:1

Te Orhiọn wa ta ẹe gbe ẹe ẹre ẹho rua wẹ, ọ gha sẹ ẹdẹ okiekie, emwa ni bun gha mu iyayi fua, iran ghi gha ru ne orhiọn ohoghe khare kevbe iruẹmwi esu.

Hibru 3:7

Rhunmwuda, zẹ vbene Orhiọn Ne Ọ Huanrẹn ta ẹe, “Wa gha họn urhu Osanobua,