Iwinna 8:28 - Edo Bible (E Baibol Ẹdo) Version 1996

²⁸ Owa ọre ọ ghi de vbe ẹghẹ na, ọ keghi tota ye uwu ikẹkẹ okhuae, ọ kegha tie ebe akhasẹ Aizaia.

Iwinna 8:28 ပူးပေါင်းရင်းမြစ်များ

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:99

I rẹn otọ emwi sẹ iran ni ma mwẹ emwi hia, rhunmwuda, te I mu igiodẹ ruẹ roro.

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Iyẹn ne ọ Maan Ọghe Luk 3:4

Zẹ vbene Aizaia ne akhasẹ gbẹnnẹ ọẹn ye ebe ẹre wẹẹ, “Arhunmwu ọkpa gha vannọ vbe ato: ‘Wa zẹ odẹ ye otọ khẹ Nọyaẹnmwa. Wa zẹ odẹ ne ọ diae nẹ ẹn la.

Iyẹn ne ọ Maan Ọghe Luk 4:17

Iran keghi we ebe Aizaia ne akhasẹ nẹẹn ne ọ tie, ọ ghi rhan iki ebe ni, ọ miẹn eke ne a gbẹn ọẹn yi wẹẹ:

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Iwinna 8:27

Rhunmwuda ọnii, Filip mu egbe, ọ na gha khian. Ọghẹrriẹnoguan ọkpa, ọmwa Etiopia keghi ke ehe di owa. Okona keghi wa re ọmwa kpataki, rẹn ọrọre ọmwa ne ọ gbe aro ghe aza ọba nokhuo ra Kandes ọghe Etiopia. Te irẹn yo Jerusalẹm ya ga Osanobua.

Iwinna 8:29

Orhiọn Ne Ọ Huanrẹn keghi tama Filip wẹẹ, “Tua okhian ne u sikẹ ikẹkẹ okhuae na.”

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Jọsua 1:8

U ghi miẹn wẹ a tie ebe uhi nii vbe uwu ugamwẹ uwa vbe ẹghẹ hia. U ghi gha ruẹ ọre asọn kevbe avan ne u vbe miẹn wẹ u ya emwi ne a gbẹnnẹ yọ hia ru emwi. Ẹghẹ nii, agbọn gha ma ruẹn, u ghi vbe gha ru ne a gban.