Iwinna 8:26 - Edo Bible (E Baibol Ẹdo) Version 1996

²⁶ Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

Iwinna 8:26 ပူးပေါင်းရင်းမြစ်များ

Gẹnẹsis 10:19

Odẹ Gera ya sẹ Gaza gha rrie odẹ Sọdom, Gomorra, Adma kevbe Zẹboim yasẹ Lasa.

II Ọba 1:3

Sokpan odibo e Nọyaẹnmwa keghi tama Elaija, akhasẹ ne ovbi Tisbi ne ọ ya vba avbe emwa ne a giẹ ẹre uhunmwu nii, ne ọ nọ iran wẹẹ, “Vbọzẹ ne uwa ra na ya nọ e Baal ne ẹbọ Ẹkrọn yi? Te uwa ya ọ nii kha ighẹ Osa irre otọ e Izrẹl ra?

I Krọnikol 22:16

ni gha sẹtin ya igoru ruemwi kevbe esiliva kevbe oze kevbe ematọn. Banbanna nian, suẹn iwinna nii, te Nọyaẹnmwa gha yaba ru ẹe.”

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 10:7

Odibosa ne ọ gu ẹe guan nii ghi kpao nẹ, Kọniliọs keghi tie eva vbe uwu avbe eguọmwadia ẹre deba ovbiyokuo ọkpa, ọmwa, ne ọ mwẹ ekhọe iyayi, ọkpa vbe uwu iran ne ọ hẹ gaga egbe.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Iwinna 5:19

Sokpan vbe asọn nii, odibo e Nọyaẹnmwa keghi kie urho ẹwẹdọ nii, ọ viọ avbe ukọ ladian, ọ keghi tama iran wẹẹ,

Iwinna 8:29

Orhiọn Ne Ọ Huanrẹn keghi tama Filip wẹẹ, “Tua okhian ne u sikẹ ikẹkẹ okhuae na.”

Iwinna 8:5

Filip kegha rrie adesẹ ore ẹvbo Sameria, ọ ya kpe orhu ẹmwẹ Mẹzaia ma emwa ni rre evba.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Jọsua 15:47

Asdọd kevbe Gaza keghi vbe rre evba do deba avbe okpẹvbo kevbe igue ni rrọọ ya sẹ ẹzẹ ne ọ rre uwu ọghe Igipt kevbe ọkpẹn Okun e Meditẹrrenian.