Iwinna 8:25 - Edo Bible (E Baibol Ẹdo) Version 1996

²⁵ Iran ghi na iyẹn ọma ne iran miẹn nẹ, iran na vbe kpe orhu e Nọyaẹnmwa. Iyeke ọnii Pita kevbe Jọn keghi werriegbe gha rrie Jerusalẹm. Vbe iran vbe khian vbe odẹ, iran kegha vbe kpe orhu Iyẹn Ne ọ maa vbe igue Sameria ni bun.

Iwinna 8:25 ပူးပေါင်းရင်းမြစ်များ

Matiu 10:5

Jesu keghi tie iran ne iweva, ọ keghi gie iran uhunmwu, ọ yi iyi ne iran wẹẹ, “Wa ghẹ van iwewe avbe iran nẹ i re Ju ra ẹvbo emwa Sameria.

Iyẹn ne ọ Maan Ọghe Luk 16:28

I mwẹ etẹn ikpia isẹn, ne ọ wa yan ma iran ne iran ghẹ vbe gha di uwu obalọ na.’

Iyẹn ne ọ Maan Ọghe Jọn 15:27

Wa ne arẹngbe gha vbe ta ẹmwẹ mwẹ rhunmwuda ma hia ọ gba gha khian ke otọ gha dee.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 13:12

Enogie ghi miẹn emwi ne ọ sunu, ọ na yayi, emwi ne a ma ẹre re vbe kpa Nọyaẹnmwa keghi wa yan ẹre unu uan.

Iwinna 18:5

Ugbẹn vbe Sailas kevbe Timoti ghi ke Masidonia rre, Pọl keghi wa ya ẹghẹ ọre hia gha kpe orhu iyẹn ne ọ maa, ọ na gha tama avbe Ju wẹ Jesu ọrọre Mẹzaia.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Iwinna 28:28

E Pọl keghi rhie tẹe wẹẹ: “Wa ghi rẹn nian wẹ a rhie ẹmwẹ imiẹnfan Osanobua bu iran ne ẹ i re Ju gha khian, iran gha miẹn họn.” [

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 8:40

Filip ghi ghe Asdọd rẹn ghi ye, ọ keghi wa la ẹvbo ni rre eni hia gba, ọ na gha kpe orhu Iyẹn Ne ọ maa ọ te ya sẹ Sisaria.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.