Iwinna 8:23 - Edo Bible (E Baibol Ẹdo) Version 1996

²³ Rhunmwuda mẹ miẹn nian wẹ okuosu oyọmwadọmwa wa vuọn ekhọe ruẹ, orukhọ vbe mu ẹn izẹghede.”

Iwinna 8:23 ပူးပေါင်းရင်းမြစ်များ

Job 20:14

Sokpan ọ ghi sẹ ẹko ọ keghi gha rriara zẹ vbene eruanikeruan ghẹ ghi sẹtin rriara sẹ.

Psalm 116:16

Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Aizaia 28:22

Ghẹ giẹ ye obọ ne I ya sa ekhae ne uwa, wa gha danmwẹ ọẹn ru vberriọ, ọ gha baa gbe wa ke miẹn uhunmwu. I họn ẹn vbe Nọyaẹnmwa ne Oghodua tae wẹ te irẹn ra fuẹn otọe ẹvbo nii hia a.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Jerimaia 4:18

E Juda, vbene u ya gha yin hẹ kevbe avbe emwi ne u gha ru ọ re u ya sii emwi na ye egbe ruẹ egbe. Orukhọ ruẹ ọ re ọ sii usẹ na rre. Ọ bi agbada ye uwẹ ogiudu nẹ nian.

Jerimaia 9:15

Rhunmwuda ọnii nian, danmwehọ emwi ne imẹ ne Nọyaẹnmwa ne Oghodua ne Osanobua Izrẹl, gha ru. I gha rhie erhan ne ọ rriara ne emwa mwẹ kpe zẹvbe ukpakọn, I ghi vbe mu eruan ne iran wọn.

Eve Orriara 3:19

Iro ẹmwẹ obalọ ne ọ rrọ mwẹ egbe kevbe a i mwẹ owa, eruan orriara nọ mẹ.

Eve Orriara 3:5

Ọ khui mwẹ ye eghan usẹ kevbe obalọ.

Iyẹn ne ọ Maan Ọghe Jọn 8:34

Jesu tama iran wẹẹ, “Ẹmwata I tama uwa, ọmwa ne ọ rhirhi ru orukhọ, ọviẹn orukhọ nọ.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

II Pita 2:19

Iran ghi gha tama iran wẹ iran gha khian enọyan egbe iran, vberriọ iran tobọ iran, eviẹn emwi ne egbe guẹe ne ọ fuẹn emwa uan, ọre iran khin, rhunmwuda, ọviẹn emwi ni ne obọ ẹre ghi gba ọmwa nẹ, ọre ọmwa khin.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.