Iwinna 8:21 - Edo Bible (E Baibol Ẹdo) Version 1996

²¹ Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.

Iwinna 8:21 ပူးပေါင်းရင်းမြစ်များ

II Krọnikol 25:2

Ọ ru emwi ne ọ yẹ e Nọyaẹnmwa, sokpan omaro omaro ọ re ọ gbe ya ruẹe.

Nehimaia 2:20

Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Psalm 36:1

Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Ezikiẹl 14:3

“Ovbi ọmwa, avbe emwa na, ẹmwẹ ẹbọ okpa ọ re ọ wa rre iran ekhọe rhunmwuda ọnii, te iran ghi gie ẹbọ gha si iran fi orukhọ. Te iran ro ighẹ mẹ gha rhie ewanniẹn ne iran ra?

Levitikọs 13:8

Ohẹn ghi dọlegbe ghe ẹre egbe a deghẹ ọ vẹ, ọ ghi ta ẹe wẹ awua guẹe, emianmwẹ ikpakpa ne ọ mu ohan nọ.

Habakọk 2:4

Nene uhunmwu ne a gie ọ re ọna khin: ‘Iran ni re emwa dan i ra miẹn uhunmwu, sokpan ni re ẹmwata gha di agbọn ya rhunmwuda iran mudia ke Osanobua.’ ”

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Iwinna 8:37

Filip khama rẹn wẹẹ, “A sẹtin sa amẹ nuẹ a deghẹ u ya ekhọe ruẹ hia yayi?” Rẹn wanniẹn wẹ, “I yayi, I yayi ghe Ovbi Osanobua ọre Jesu Kristi khin.”]

Ẹfisọs 5:5

Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

Diuteronomi 10:9

Ọnii ọ siẹe ne a na ma gha otọ ne ẹwae Livai zẹ vbene ẹwae nekpa ye. Emwi ne ọ sẹ iran obọ ke gha re ukpo ohẹn zẹ vbene Nọyaẹnmwa Osanobua uwa yan rẹn.)

Diuteronomi 12:12

Ẹghẹ nii wa gha ghọghọ vbe odaro ẹre, kevbe ivbi uwa kevbe ọguọmwadia uwa kevbe avbe Livai ni rre ẹvbo uwa, (yerre wẹ avbe Livai i khian gha mwẹ otọ obọ iran.)

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Jọsua 22:25

E Nọyaẹnmwa ye Jọdan ye uwu ye ẹkpo ima kevbe uwa.’ Ẹghẹ nii, ivbi uwa ghi da ivbi ima obọ yi wẹ ne iran ghẹ ghi ga e Nọyaẹnmwa.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 20:6

Ọ maa ne iran, emwa ne Osanobua fiangbe ẹsẹse ọre iran khin ighẹ iran ne arhiọkpaegbe ne okaro na sẹ ọre egbe. Uwu ne ogieva i mwẹ ẹtin vbe uhunmwu iran. Iran ghi gha re ohẹn ọghe Osanobua kevbe ọghe Kristi, iran ghi vbe deba ẹre rriọba la ukpo arriaisẹn.

Arhie Maan 22:19

A deghẹ ọmwaikọmwa vbe fian hin rre vbe ebe na, Nọyaẹnmwa gha miẹn ẹre ne ọ te sẹ ọre obọ vbe ọmọ erhan ẹfe nii, kevbe ne ọ te re ọghọe vbe Ẹvbo Ne Ọ Huanrẹn nii, ne a ta ẹmwẹ ọnrẹn ye ebe na.