Iwinna 8:20 - Edo Bible (E Baibol Ẹdo) Version 1996
20 Sokpan Pita wanniẹn tama rẹn wẹẹ, “Te uwẹ vbe igho ruẹ ra gba la ọrhiae rrie, ne u na gha ro ighẹ u gha sẹtin ya igho dẹ emwi ne Osanobua ya ru ọmwa ẹse.
E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!
E Daniẹl keghi wanniẹn wẹẹ, “Viọ emwi ihaoko ruẹ ye owa, ra ya ẹe ne ọmwa ne ọ khọn ruẹn ọvbehe. I gha tie emwi ne a gbẹnnẹ na ma ruẹn Umogun, I ghi vbe ta emwi ne a ya ẹe kha ma ruẹn.
E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”
Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.
(Judas keghi rhie igho ne ọ miẹn vbe ẹki dan ne ọ do, ọ keghi ya ẹe dẹ ako oha ọkpa, evba ọre ọ na ya de wu, ọ keghi vuaa, emwi ni rre uwu egbe ẹre hia keghi yalọ ku otọ.
Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.”
Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.
Rhunmwuda ọnii, ro iro fi uyinmwẹ werriẹ vbe emwi dan ne u mwamwaẹn na, ne u vbe na erhunmwu ghe Nọyaẹnmwa, ne ọ miẹn ehe na ya ẹe bọ ọ ighẹ ne u na gha zẹ egbe iro vbe nian vbe ekhọe ruẹ.
Ghẹ kha i ghẹ ui ghi rhie emwi ne ẹẹn mọmọ rhunmwuda ighẹ ukpo ne a na ya igho ma ọmwa i ghi rrei. Ghẹ gie iro dan vberriọ la ruẹ ekhọe. U gha he ne u rhie igho nii ne ẹẹn mọmọ, ọ gha viẹ yuẹ urhu ma e Nọyaẹnmwa, a ghi ka a ye ọmwa ne ọ rria abe.
Wa ghẹ viọ vbe uwu amazẹ na la owa uwa hiehiere, ne unu ne a fi iran re ghẹ do sẹ uwa egbe. Ọ kere ne uwa gie avbe amazẹ nii gha sọnnọ uwa, ne uwa vbe gha zan iran rhunmwuda usun emwi ne fie ẹre unu ọre iran khin.
Sokpan iran ni ho ne iran fe, edanmwẹ ọre iran de yi, ifi orriarria ukọnmwẹ ne ẹbe ye ni bun ghi mu iran, emwi na ọre ọ sua emwa fi uwu ọfuan kevbe ne ọ gbe ẹro.
Ọtọn gbe igho nọfua kevbe ne ọ baa ọghe uwa, ọtọn na ọre ọ ra sẹ osẹe gbe uwa, ọ ghi vbe rri uwa efun egbe zẹ vbe erhẹn. Wa silo ẹfe gboo nẹ vbe ẹdẹ okiekie na.
Avbe emwa iwinna nekhua nii, ni do khian ni fee rhunmwuda ẹki ne iran do vbe ẹvbo nii, ghi ya mudia ye urria gban-an, rhunmwuda ohan oya ne okhuo ni re mu iran, iran gha tu, iran ghi vbe gha khiẹ.