Iwinna 8:2 - Edo Bible (E Baibol Ẹdo) Version 1996

² Emwa ni ya ekhọe ga eso keghi ya re Stivin, iran na keghi kakabọ viẹ ọe ẹsẹse.

Iwinna 8:2 ပူးပေါင်းရင်းမြစ်များ

Gẹnẹsis 23:2

Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre.

Gẹnẹsis 50:9

Ikẹkẹ okhuae kevbe emwa ni hin ẹsin kevbe lelẹe, iran wa gha bun ẹsẹse.

II Samuẹl 3:31

Ẹre Devid na wẹ ne Joab kevbe emwa rẹn sọ ukpọn iran uan, ne iran viọ ukpọn akhiẹ rhuan, ne iran khiẹ Abna. Ugbẹn vbe iran ghi re ẹre, e Devid ne ọba tobọ ẹre keghi ya owẹ khian lele ẹkpẹti orinmwi ẹnrẹn.

II Krọnikol 32:33

E Hẹzekaia keghi wu, a na re ẹre ye obọ ne ọ ke uwu idin avbe ọba. Ivbi e Juda kevbe ivbi e Jerusalẹm hia keghi ru ne ẹẹn ẹsẹse vbe ọ wu. E Manasẹ ne ovbi ẹre keghi rriọba lele ẹe.

II Krọnikol 35:25

E Jerimaia ne akhasẹ vbe gbẹn ihuan ya viẹ e Josaia ne ọba. Ihuan na ọ re iran ni so ihuan, ikpia kevbe ikhuo ghi ya khiẹ ọre vbe iran a gha khiẹ ọre. Te ọ ghi do khian iyi otọ ne iran gha ru ẹe vberriọ. Ihuan na rre usun avbe ihuan akhiẹ ne a si koko.

Jerimaia 22:10

Ivbi e Juda, wa ghẹ viẹ Josaia ne Ọba, wa ghẹ khiẹ uwu ẹre. Sokpan wa viẹ eve orriara ne Joahaz ne ovbi ẹre; iran mu ẹẹn kpao, ẹ i ghi werriegbe dee, ẹ i dọlegbe ye aro kan otọe nii ehe ne a na biẹ ọe.

Jerimaia 22:18

Rhunmwuda ọnii, e Nọyaẹnmwa khare vbekpa e Josaia, ovbi e Jehoiakim ne ọba Juda wẹẹ, “Ọmwarhọkpa i ra khiẹ uwu ẹre ra ne ọ kha wẹẹ, ‘Ẹta ọse mwẹ, ẹta ọse mwẹ o!’ A i miẹn ọmwa ne ọ gha viẹ ọe nẹ, ọ kha wẹẹ, ‘Enaẹmwẹ! Ọba mwẹ!’

Nọmbas 20:29

Emwa nii keghi họn wẹ Errọn wu, iran keghi khiẹ ọre la ikpẹdẹ ọgban.

Iyẹn ne ọ Maan Ọghe Mak 6:29

Ugbẹn vbe avbe erhuanegbe Jọn ghi họn, iran keghi do mu ikun ẹnrẹn iran keghi ya re ẹre.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Iwinna 10:2

Rẹn keghi re ọmwa ne ọ mwẹ ekhọe iyayi. Osanobua ọre irẹn kevbe ẹgbẹe ọre hia wa gaa. Ọ wa vbe hia vbe odẹ hia ne ọ gha ru iyobọ ne avbe Ju ni re ivbiogue.

Iwinna 2:5

Avbe Ju keghi rre Jerusalẹm, emwa ni ke dọmwadẹ ẹvbo vbe otọ agbọn gha dee do ru ugamwẹ.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Iwinna 8:3

Sokpan e Sọl kegha hia ne ọ wa fuẹn esọsi rua fẹẹrẹ, ọ na gha ke owa ọkpa la ọvbehe, ọ na gha munọ emwa ni yayi hia ikpia kevbe ikhuo, ọ na gha hẹ iran ku ẹwẹdọ.

Diuteronomi 34:8

Ivbi Izrẹl keghi ye ikpẹde ọgban khiẹ ọre vbe otọe ne ọ rriẹe ọghe Moab. Ẹghẹ ne a ya khiẹ e Mosis keghi fo.

I Samuẹl 28:3

Vbe ẹghẹ na, e Samuẹl wu nẹ, ivbi Izrẹl ghi khiẹ ọre nẹ, iran na re ẹre ye Rama ne ẹvbo ẹre. E Sọl khulo iran ni fi iha kevbe iran ni miẹn ẹrinmwi hin otọ Izrẹl rre nẹ.