Iwinna 8:12 - Edo Bible (E Baibol Ẹdo) Version 1996

¹² Sokpan iran ghi ya ikporhu e Filip yi, ikporhu ọghe Iyẹn Ne ọ maa ọghe Arriọba Osanobua kevbe eni Jesu Kristi, a kegha sa amẹ ne iran, ke ikpia kevbe ikhuo.

Iwinna 8:12 ပူးပေါင်းရင်းမြစ်များ

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iyẹn ne ọ Maan Ọghe Luk 9:2

Iyeke ọnii, ọ keghi gie iran ladian ne iran ya kpe orhu Arriọba Osanobua kevbe ne iran gha sinmwi avbe ọkhọnmwẹ.

Iyẹn ne ọ Maan Ọghe Luk 9:60

Jesu wanniẹn wẹẹ, “Gie iran ni wulo gha re orinmwi ọghe iran, wẹ ya gha kpe orhu Arriọba Osanobua.”

Iwinna 1:3

Vbe uwu ikpẹdẹ iyeva, iyeke vbe ọ wu nẹ, ọ keghi rhie egbe maa iran inugba ne ọ khin, ne ọ ya gie aro iran dae vbene a i ghi na bọ iro eva wẹẹ, rẹn rre agbọn. Iran miẹn ọẹn, rẹn keghi vbe gu iran guan ẹmwẹ Arriọba Osanobua.

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 18:8

Krispọs ne ọre ọka Ọgua ediọn keghi ya Nọyaẹnmwa yi, ke irẹn kevbe ẹgbẹe ọre hia. Emwa ni bun ọvbehe keghi vbe họn iyẹn ne ọ maa ni vbe Kọrinti, iran yayi, a keghi sa amẹ ne iran.

Iwinna 19:5

Iran ghi họn ọnọna, a keghi ya eni Nọyaẹnmwa Jesu sa amẹ ne iran.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Iwinna 20:25

“I khian la ehe hia vbe uwu uwa vbe ne I na kpe orhu Arriọba Osanobua. Banbanna nian, mẹ rẹnrẹn ighẹ ne ọ gha ye dọlegbe miẹn mwẹ i ghi rre uwa na.

Iwinna 28:31

Ọ kegha kpe orhu ẹmwẹ Arriọba Osanobua, ọ na gha ma emwa emwi vbekpa Nọyaẹnmwa Jesu Kristi, ọ kegha ye unu hia ta ẹe vbe ne a i na mwẹ khian se evba.

Iwinna 5:14

Sokpan, emwa ni bun ni ya Nọyaẹnmwa yi, ke ikpia kevbe ikhuo, kegha ya egbe ba iran.

Iwinna 8:4

Avbe emwa ni yayi ni zagha lele ehe hia nii kegha kpe orhu ẹmwẹ nii.

Ebe ne Pọl gbẹẹn gie emwa Rom 10:10

Rhunmwuda ekhọe ọre ima ya yayi, a keghi dọlọ ima kugbe ba Osanobua, ma ye unu mwa tae ladian, a keghi miẹn mwa fan.

I Kọrinti 11:11

Vbene ọ rhirhi gha ye hẹ, zẹ vbe uyinmwẹ ima ni rre uwu Nọyaẹnmwa, okhi. i re ne ẹ i rre ototọ okpia, okpia i vbe re ne ẹ i rre ototọ okhuo.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.