Iwinna 8:1 - Edo Bible (E Baibol Ẹdo) Version 1996

¹ Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Iwinna 8:1 ပူးပေါင်းရင်းမြစ်များ

Nehimaia 6:3

Mẹ keghi gie ne a tama iran wẹẹ, “Iwinna kpataki rrọ mwẹ obọ nẹ I winna, rhunmwuda ọnii, mẹ i ra sẹtin yo odọ. Mẹ I ra wẹ ne a dobọ iwinna yi rhunmwuda ighẹ I ra gha dee do miẹn uwa.”

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Daniẹl 6:23

Ọba keghi ghọghọ ua, ọ na wẹ ne a si e Daniẹl ladian vbe uvun. Iran keghi siẹe ladian, iran miẹn wẹ emwirhọkpa ma ru ẹe hiehiere, rhunmwuda, ọ mu ẹtin yan Osanobua.

Matiu 22:6

Eso keghi munọ eguọmwadia ne a gie nii, iran mama iran, iran keghi gbele iran ruan.

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Matiu 5:13

“Wa ọrọre umwẹ agbọn, a deghẹ orhiẹnrhiẹn umwẹ fafaa, a i miẹn emwi ne a gha ya ru ẹe ne ọ dọlegbe gha rhiẹnrhiẹn, ọ la ọrhiae rrie nẹ. Te a ghi ra mu ẹn kua ne emwa gha ya owẹ rri ẹe mu otọ.

Iyẹn ne ọ Maan Ọghe Jọn 15:20

Wa ye ẹmwẹ ne I tama uwa rre, ‘Ọviẹn i sẹ enarẹn,’ Deghẹ iran zẹ mwẹ owẹ, iran gha vbe zẹ uwa owẹ. Adeghẹ iran miẹn ẹmwẹ mwẹ ye ehọ, iran gha vbe miẹn ọghe uwa ye ehọ.

Iyẹn ne ọ Maan Ọghe Jọn 16:2

Iran gha sua uwa uhunmwu hin uwu Ọgua ediọn iran rre. Ẹghẹ dee ne ọmwa ne ọ de uwa izigha gha na ro ighe Osanobua ọre irẹn ya ehia ga.

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

Iwinna 13:36

“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 22:20

Ẹghẹ ne a na gbe ẹe rua ighẹ Stivin ne osẹe ruẹ, mẹ tobọ mwẹ rre evba, I keghi ye obọ ye uwu ẹre, mẹ ọre ọ gha gbe aro ghe ẹwu iran ni ya gbe ẹe rua.’

Iwinna 26:10

Emwi ne I ru vbe Jerusalẹm ọre ọnii khin. I keghi rhie ebe asẹ vbe obọ avbe igie ohẹn, I na munọ ni bun vbe uwu emwa Osanobua ku ẹwẹdọ, a ghẹ ghi vbe bu ohiẹn uwu gbe iran, mẹ ghi nien obọ ighẹ I mwẹ obọ vbọ.

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:20

“Wa gha rrie uwu Ọgua Osa ne uwa ya gu emwa hia guan vbe kpa arrọọ ọghe ọgbọn na.”

Iwinna 5:33

Emwa ni rre Iko ghi wa họn ẹmwẹ na, okuosu keghi wa rri iran, sẹrriọ ne iran na wa ta ẹe ighẹ te iran gbele avbe ukọ rua.

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 7:38

Rẹn ọre ọ gu ivbi Izrẹl gha rrọọ vbe ehe ne iran si koko yi vbe uwu ato, rẹn ọre ọ gu avbe erha mwa odede gha rrọọ kevbe odibosa ne ọ gu ẹe guan vbe uhunmwu oke Sainai, rẹn ọre ọ rhan obọ miẹn uhunmwu ne Osanobua gie, o keghi do tama ima.

Iwinna 7:54

Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre.

Iwinna 7:58

Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

Iwinna 8:14

Avbe ukọ ni rre Jerusalẹm keghi họn wẹ emwa ni rre Sameria rhan obọ miẹn ẹmwẹ Osanobua, iran na gie Pita vbe Jọn bu iran yo.

Iwinna 8:2

Emwa ni ya ekhọe ga eso keghi ya re Stivin, iran na keghi kakabọ viẹ ọe ẹsẹse.

Iwinna 8:4

Avbe emwa ni yayi ni zagha lele ehe hia nii kegha kpe orhu ẹmwẹ nii.

Iwinna 8:5

Filip kegha rrie adesẹ ore ẹvbo Sameria, ọ ya kpe orhu ẹmwẹ Mẹzaia ma emwa ni rre evba.

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Filipai 1:12

I ho ne uwa rẹn etẹn mwẹ, wẹ, emwi hia ni sunu vbe egbe mwẹ, wa ru iyobọ ye alaghodaro iyẹn ne ọ maa.

Hibru 11:27

Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.