Iwinna 7:60 - Edo Bible (E Baibol Ẹdo) Version 1996

⁶⁰ Rẹn keghi de fie iguẹ, ọ na datu wẹ, “Nọyaẹnmwa ghẹ ka orukhọ na ye iran owẹ.” Ọ ghi tae nẹ, ọ keghi wu.

Iwinna 7:60 ပူးပေါင်းရင်းမြစ်များ

Ẹzra 9:5

Ọ ghi sẹ ẹghẹ ne a ya zọ ese ota, I keghi guakpao vbe ehe ne I tota yi gha khiẹkhiẹ egbe, ẹwu ne I sọlọ ua ni keghi ye rrọ mwẹ urhu, I na diguẹ ne I na erhunmwu, I na viọ obọ da odukhunmwu ghe Nọyaẹnmwa Osanobua mwẹ.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Daniẹl 6:10

E Daniẹl ghi họn ighe a rhie obọ ye ebe nii nẹ, ọ kegha rrie owa. Vbe owa egedege ne ọ ye, avbe ewindo eso ni viọ aro da e Jerusalẹm keghi rrọọ. Zẹ vbene ọ ka ru ẹe de yi, evba nii ọ re ọ na gha diguẹ vbe ewindo ne a kiere nii, ọ na gha na erhunmwu ghe Osanobua igbaeha vbe ẹdẹ.

Matiu 27:52

Idin ni bun keghi we unuan, emwa Osanobua ni bun ni ka wulo yi keghi rhiọkpaegbe.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Iyẹn ne ọ Maan Ọghe Luk 22:41

Ọ keghi sẹ iran rae, ọ na la omwa umọdia kherhe sikẹ odaro, ọ keghi diguẹ ọ na na erhunmwu.

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Iyẹn ne ọ Maan Ọghe Luk 6:28

Wa gha na erhunmwu ne iran ni tie ihẹn ne uwa, ne uwa vbe gha ho ọ maa ghe iran ni ru uwa khọ.

Iyẹn ne ọ Maan Ọghe Jọn 11:11

Jesu ghi ta ẹmwẹ na nẹ, ọ keghi rrie te ẹe wẹẹ, “Lazarọs ne ọse ima vbiẹ, sokpan I gha yo ya huẹn ọnrẹn.”

Iwinna 13:36

“Rhunmwuda, Devid ru ne Osanobua ho vbe ẹghẹ ọghọe, rẹn keghi wu, a keghi vbe re ẹre ba avbe enikaro, rẹn keghi vbe kẹkẹ.

Iwinna 20:36

Pọl ghi guan fo nẹ, ọ keghi deba iran diguẹ, ọ na na erhunmwu.

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Iwinna 9:40

Pita keghi viọ iran hia ladian vbe ughugha nii, ọ keghi diguẹ, ọ na na erhunmwu, ọ mu aro da ikun ẹnrẹn nii, ọ wẹẹ, “Tabita, kpaegbe!” Rẹn keghi rhan aro ua, ọ ghi bẹghe Pita, ọ keghi kpaegbe tota.

I Kọrinti 11:30

Ọnii ọ re ọ si ẹe ne ni bun vbe uwu uwa na khuọnmwi, ni bun huẹhuẹ, eso kevbe wulo.

I Kọrinti 15:18

Ọnii vbe rhie maa wẹ iran ni wulo nẹ vbe uwu iran ni ya Kristi yi, wiri ua.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

I Kọrinti 15:51

Wa danmwehọ oro ọkpa: ma hia i ra wulo fo, sokpan, vbe udomwurri, a gha fi ima werriẹ.

I Kọrinti 15:6

Iyeke ọnii, ọ rhie egbe ma iran ne ọ yan iyisẹn isẹn vbe uwu iran ni lele ẹe khian vbe ẹghẹ ọkpa nii, ni bun sẹẹ vbe uwu iran ye rre agbọn, a gha rhe miẹn wẹ eso wulo nẹ vbọ.

I Tẹsalonaika 5:10

Ọmwa ne ọ wu ne ima, ne ima sẹtin deba irẹn gha rrọọ vbe ẹghẹ ne ọ gha na rre, te ima rre agbọn ra te a wulo.

II Timoti 4:16

Ẹghẹ ne I na ya gui ẹzọ mwẹ vbe okaro, orhunmwu ọkpa ne ọ lele mwẹ yo ẹ i rrọọ, ehia keghi lẹ sẹ mwẹ rae. Osanobua ne ọ lahọ ne oghẹ kae ye iran owẹ.

II Pita 3:4

Iran ghi gha kha wẹ, “Ẹ i re te a wẹ rẹn dọlegbe dee! Rẹn ghi vbo nia? Avbe erha ima hia wulo nẹ, sokpan vbene emwi hia ye ke ne a bu agbọn tue agbọn, ọre ye ye.”