Iwinna 7:58 - Edo Bible (E Baibol Ẹdo) Version 1996

⁵⁸ Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

Iwinna 7:58 ပူးပေါင်းရင်းမြစ်များ

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Nọmbas 15:35

Ẹre Nọyaẹnmwa na tama Mosis wẹẹ, “Te a ra gbe ọmwa ni uan; emwa nii hia ọre ọ ra filo okuta gbe ẹe rua vbe a lahin agọ rre nẹ.”

Iyẹn ne ọ Maan Ọghe Luk 4:29

Iran keghi guakpao, iran si Jesu hin adesẹ ẹvbo rre iran keghi si ẹe gha rrie uhunmwu oke ne a bọ ẹvbo ni yan ne iran ya ke odọ sua ẹre fi otọ.

Iwinna 22:20

Ẹghẹ ne a na gbe ẹe rua ighẹ Stivin ne osẹe ruẹ, mẹ tobọ mwẹ rre evba, I keghi ye obọ ye uwu ẹre, mẹ ọre ọ gha gbe aro ghe ẹwu iran ni ya gbe ẹe rua.’

Iwinna 22:23

Iran keghi gha go, iran na gha bọnmwẹ ukpọn iran, iran na gha kpolo ebubẹ zẹ fi ghe odukhunmwu.

Iwinna 22:4

I kegha lọghọ iran, I na gha gbele iran ighẹ avbe emwa ni lele odẹ na. I na gha munọ ikpia kevbe ikhuo hẹ ku ẹwẹdọ.

Iwinna 26:10

Emwi ne I ru vbe Jerusalẹm ọre ọnii khin. I keghi rhie ebe asẹ vbe obọ avbe igie ohẹn, I na munọ ni bun vbe uwu emwa Osanobua ku ẹwẹdọ, a ghẹ ghi vbe bu ohiẹn uwu gbe iran, mẹ ghi nien obọ ighẹ I mwẹ obọ vbọ.

Iwinna 6:11

Iran keghi rhunmwuda ọna ya viọ igho ne emwa eso, ne iran do kha wẹẹ, “Ma họn ẹn vbe ọ fi unu gie Mosis kevbe Osanobua.”

Iwinna 6:13

Iran keghi viọ emwa eso rre wẹ ne iran do sẹ osẹe ohoghe gbe ẹe. Iran wẹẹ, “Te okona wa fi unu gie Ọgua Osa mwa ne ọ huanrẹn kevbe uhi Mosis.

Iwinna 7:57

Iran keghi viọ obọ khiọ ehọ, iran datu, ehia keghi wa vẹ rhu ẹe vbe ọwarọkpa ni.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.

Diuteronomi 17:7

Iran ni sẹ osẹe ni ọ re ọ gha ka filo okuta gbe ẹe, emwa ni dekẹe hia ghi do filo okuta gbe ẹe. Odẹ vbenian ọ re u gha ya sẹtin gbe ukhu na an.