Iwinna 7:53 - Edo Bible (E Baibol Ẹdo) Version 1996

⁵³ Uhi Osanobua ne avbe odibosa rhie gha dee, wa ọre ọ gue, levba sevba, wa i ya ẹe ru emwi.”

Iwinna 7:53 ပူးပေါင်းရင်းမြစ်များ

Psalm 68:17

E Nọyaẹnmwa tuorre ke Sainai gha dee ke irẹn kevbe ikẹkẹ okuo nekhua arriaisẹn inu ne ọ khin gha rrie uwu ehe ne ọ huanrẹn ọghọe.

Iyẹn ne ọ Maan Ọghe Jọn 7:19

Mosis gbẹnnẹ Uhi ne uwa, sokpan ọkpa i rrọọ vbe uwu uwa ne ọ ye nene Uhi ru emwi. Vbọzẹ ne uwa na ho ne uwa gbe mwẹ uan?”

Iwinna 7:38

Rẹn ọre ọ gu ivbi Izrẹl gha rrọọ vbe ehe ne iran si koko yi vbe uwu ato, rẹn ọre ọ gu avbe erha mwa odede gha rrọọ kevbe odibosa ne ọ gu ẹe guan vbe uhunmwu oke Sainai, rẹn ọre ọ rhan obọ miẹn uhunmwu ne Osanobua gie, o keghi do tama ima.

Galatia 3:19

Vbe a ghi gu rhie nene uhi ne ọmwa yi kehkehrriọ? Te a rhie ẹre te ẹe ne a miẹn ehe na gha rẹn emwi ne abaku ru, te a wẹ ne ọ vbe gha rrọọ ovbi Ebraham te do rre, ọmwa ne a ve ẹre nene emwi. Avbe odibosa ore ọ rhie nene Uhi rre, vbe ne ọmwa kẹkan na gha re ne ọ rre ẹkpo iran.

Galatia 6:13

Iran tobọ iran ni rhuẹ re, iran i ru vbene nene Uhi khare. Iran ho ne a rhuẹ uwa, ne iran miẹn ya gha rhuọ wẹ, wa yobọ ye ẹmwẹ iwinna ikinnegbe na.

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

Hibru 2:2

A miẹn ọẹn wẹ, ẹmwẹ ne avbe odibo Osa do ta, ẹmwata nọ, kevbe wẹ, ọmwaikọmwa ne ọ ma ya ẹe ru emwi ra ne ọ ma ru vbe ne ọ khare, ọ ghi rri oya ne ọ ma ẹn.