Iwinna 7:52 - Edo Bible (E Baibol Ẹdo) Version 1996

⁵² Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Iwinna 7:52 ပူးပေါင်းရင်းမြစ်များ

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 19:14

Rẹn keghi wanniẹn wẹẹ, “E Nọyaẹnmwa Osanobua ne Oghodua, wẹ ọkpa kẹkan ọ re I ga ke otọe gha dee, sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran kevbe gbele avbe akhasẹ ruẹ hia. Mẹ ọkpa ọ ghi ke ẹe, iran vbe ho ne iran gbe mwẹ uan.”

II Krọnikol 36:15

E Nọyaẹnmwa ne Osanobua avbe erha iran odede kegha gie avbe akhasẹ rre ne ọ do gha bu iran ude, rhunmwuda, rẹn te gha ho ne ọ sẹ iran kevbe Ọgua Osa rae.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 20:2

Ọ na wẹ ne iran gbe mwẹ, ne a ye ọgiọrọ rrọ mwẹ vbe ọkpẹn Onurho e Bẹnjamin ne ọ ke Ọdọ vbe Ọgua Osa.

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Jerimaia 26:23

Iran keghi mu ẹẹn werriegbe bu e Jehoiakim ne ọba gha dee, ọ na gbẹe rua, ọ na fi ikun ẹnrẹn fi itẹ emwa kẹkan.)

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Iyẹn ne ọ Maan Ọghe Luk 6:23

Ọ gha ye rriọ, wa gha ghọghọ, wa gha kuu ne uwa gha ghọghọ, rhunmwuda, ere nọkhua rre otọ khẹ uwa vbe ẹrinmwi rhunmwuda erriọ zẹẹ avbe erha iran ru avbe akhasẹ.

Iyẹn ne ọ Maan Ọghe Jọn 16:10

Vbekpa ọghe emwi ẹmwata, rhunmwuda mẹ ra bu Evbavba, wa i ghi ra miẹn mwẹ ọvbehe.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 22:14

Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Iwinna 3:18

Ọ kpẹre ẹsẹse ne Osanobua ghi la unu avbe akhasẹ ta ẹe ye otọ wẹ, te Mẹzaia gha rri oya, vbene ọ ghi ya mu ẹmwẹ ni sẹ ọre ọ na khin.

Iwinna 3:24

Avbe akhasẹ hia, ya sẹ egbe Samuẹl, kevbe iran ni rre vbe iyeke ẹre, ne ọ ghi mwẹ ẹmwẹ ne ọ ra ta nẹ, te iran hia ta ẹmwẹ ẹghẹ ne a ye na ye otọ.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

I Tẹsalonaika 2:15

Iran ni gbe Nọyaẹnmwa Jesu kevbe avbe akhasẹ, iran keghi vbe khu ima khian. Umiẹn vbe ohu iran mu Osanobua hẹ! Umiẹn vbene iran khọ mu emwa hia hẹ!

II Timoti 3:4

Iran ghi gha si uma isọtẹ, iran ghi gha zẹ esu, uhiomwẹ ghi zẹ iran udu ua. Iran ghi gha hoẹmwẹ egberọkhọmwẹ vbe ne iran i na hoẹmwẹ Osanobua.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

I Jọn 2:1

Ivbi mwẹ, te I gbẹn ebe na gie uwa ne uwa ghẹ miẹn ehe na rukhọ, sokpan, a deghẹ ọmwaikọmwa ghi vbe ru orukhọ, ma mwẹ ọmwa ne ọ rinmwian ne ima vbe ehe ne Evbavba ye, ọnii ọre Jesu Kristi ne ọmwata.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.