Iwinna 7:5 - Edo Bible (E Baibol Ẹdo) Version 1996

⁵ Vbe ẹghẹ ne a kha na, Osanobua ma mu otọ rhọkpa ne Ebraham, a gha rhe wẹ okhiokhi kherhe nọ, wẹ ne ọ gha tie ẹre ọghọe. Sokpan Osanobua ye tama rẹn wẹ, rẹn gha mu otọe ni hia nẹẹn kevbe wẹ ọ gha khian ọghọe kevbe ọghe ivbi ẹre vbe iyeke irẹn. Ẹghẹ ne Osanobua na yan eyan na, Ebraham i he mwẹ ọmọ rhọkpa.

Iwinna 7:5 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 16:2

Serai keghi tama Ebram wẹẹ, “Ghe nian, Nọyaẹnmwa ma rhie ọmọ mẹ biẹ. Vbọzẹ ne u ma na tie ọviẹn mwẹ ovbe yi? U ghaghe ọ ghi biẹ mẹ.”

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Gẹnẹsis 23:4

“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.”

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Ezikiẹl 33:24

“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’

Diuteronomi 10:11

Ọ na ghi tama mwẹ ne I gha re ọkaolotu uwa ne uwa sẹtin ya mu otọe nii ne irẹn ve wẹ rẹn gha mu ne avbe erha uwa odede.

Diuteronomi 11:9

Wa gha vbe yin ẹnrẹn tọ ighẹ otọ esiesi ne ọ maa emwi okọ nii ne Nọyaẹnmwa ve ne irẹn mu ne avbe erha uwa odede kevbe ivbi iran.

Diuteronomi 2:5

sokpan wa ghẹ suẹn iran gha gu khọn rhunmwuda mẹ i ra mu ne uwa vbe otọ iran hiehiere, ọ gha khọn rẹn ne ọ gha re ibata ọkpa. Ivbi Isọ ọ re I mu Idọm na.

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.