Iwinna 7:47 - Edo Bible (E Baibol Ẹdo) Version 1996

⁴⁷ Sokpan Solomọn ọre ọ ghi do bọ nene owa nẹẹn.

Iwinna 7:47 ပူးပေါင်းရင်းမြစ်များ

II Samuẹl 7:13

Rẹn ọ re ọ gha bọ Ọgua Osa mẹ, I gha vbe mu ẹẹn wẹ te uniẹn ọnrẹn gha rriọba ẹdẹdẹmwẹdẹ.

I Ọba 5:1

Ke Omuhẹn gha dee, ọse Devid ọre Hiram ne ọba Taia gha khin, ọ ghi họn wẹ e Solomọn rriọba lele Devid ne erha ẹe, ọ keghi gie ukọ bu ẹre gha khian.

I Ọba 6:1

Ọ ghi rre ukpo iyenẹ yan uri eva (480) ne ivbi Izrẹl kpao vbe Igipt rre, ne ọ vbe re ukpo ne ogienẹ ne Solomọn rriọba yan Izrẹl, vbe uki ne ogieva, uki ne a tie ẹre Ziv, e Solomọn keghi suẹn iwinna nene Ọgua Osa.

I Ọba 8:20

Banbanna nian, e Nọyaẹnmwa mu eyan ne ọ yan rẹn. sẹ. Mẹ lele Devid ne erha mwẹ nẹ zẹ vbe ọba Izrẹl, I vbe bọ Ọgua Osa nẹ ne a na gha ga e Nọyaẹnmwa ne Osanobua Izrẹl.

I Krọnikol 17:1

Ẹguae ẹre ọ re Devid gha ye vbe ẹghẹ na. Ọ ghi sẹ ẹdẹ ọkpa, o keghi gie ne a tama e Natan wẹẹ, “Ghe nian, owa sida mẹ ye vbe emwa na, sokpan Ẹkpẹti Ile Nọyaẹnmwa rre Owa Ukpọn.”

II Krọnikol 3:1

Erha e Solomọn ne ọba mwamwa ehe ne a gha bọ Ọgua Osa ni yi, ye otọ nẹ. Uhunmwu Oke e Moraia ne ọ rre Jerusalẹm nọ, ehe ne Arauna ne ovbi ẹvbo e Jebus ya ru ehe ne a na wiẹn ọka, e Solomọn ne ọba keghi suẹn ọnrẹn ne a bọ,