Iwinna 7:44 - Edo Bible (E Baibol Ẹdo) Version 1996

⁴⁴ “Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe.

Iwinna 7:44 ပူးပေါင်းရင်းမြစ်များ

I Krọnikol 28:11

E Devid keghi ru ama vbene a mwa nene Ọgua Osa hia hẹ ne Solomọn, avbe aza ni rrọọ kevbe avbe ugha ọvbehe ni rrọọ kevbe Ehe Nọhuansẹ Ehia, ehe ne a na ya orukhọ bọ ọmwa.

I Krọnikol 28:19

E Devid ne Ọba keghi kha wẹẹ, “Avbe emwi na hia rre ama ne a gbẹn zẹ vbene Nọyaẹnmwa tobọ ẹre tae ma mwẹ ne I ru ẹe.”

II Krọnikol 24:6

Rhunmwuda ọnii, ọ keghi tie Jehoiada ne ọkaolotu iran, ọ nọ rẹn wẹẹ, “Vbọzẹ ne u ma na we ne avbe Livai koko igho ne Mosis ne ọguọmwadia e Nọyaẹnmwa fian yọ wẹ ne emwa ni rre Juda kevbe Jerusalẹm gha hae ne a ya gha winna vbe Owa Ukpọn ne a ya rẹn ighẹ e Nọyaẹnmwa rre evba?”

Ẹksọdọs 25:40

U ghi gbe aro ke otọ ne u ru ẹe zẹ vbene a gie ma ruẹn vbe uhunmwu oke.

Ẹksọdọs 26:30

Ọnii nọ wẹ te u ra wa bọ owa ukpọn nii zẹ vbe ne a mu ma ruẹn vbe uhunmwu oke.

Ẹksọdọs 27:8

U ghi ru aka nii ne ọ gha re ne ọ guokpo vbe uwu ẹre. Uhanhan ọre a gha ya ru ẹe. U ghi ru ẹe zẹ vbe egbe ne a mu ma ruẹn vbe uhunmwu oke.

Ẹksọdọs 38:21

Vbene a ka ẹe hẹ ighẹ ẹrọnmwọ ne a lo ro vbe Ehe Nọhuanrẹn vbe Owa Ukpọn ehe ne Nọyaẹnmwa ye ọ re ena khin, ehe ne a viọ avbe uhanhan ne a gbẹnnẹ uhi Igbe yi e Mosis ọre ọ ta ẹe vbene a gha ru ẹe hẹ, avbe Livai keghi ru ẹe vbene Itama, ne ovbi Errọn ne ohẹn na gha ma iran re vbene a gha ru ẹe hẹ.

Nọmbas 10:11

Vbe ikpẹdẹ ugie ọghe uki ne ogieva vbe ukpo ne ogieva ne ivbi Izrẹl kpao hin Igipt rre, okuku ne ọ rre uhunmwu Owa Ukpọn Ile keghi si kpao.

Nọmbas 18:2

Sokpan, wẹ vbe ivbuẹ gha winna vbe odaro Owa Ukpọn Ile, u ghi viọ avbe etuẹn, ẹwae Livai ne iran do deba ruẹ gha winna kevbe ne iran yuẹ obọ.

Nọmbas 9:15

Vbe ẹdẹ ne a mu Owa Ukpọn Ile ni mudia, okuku ke ghi rre do degue ẹre. Vbe asọn, ọ ke yevbe erhẹn.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Jọsua 3:14

Ẹghẹ emwiorhọ ọ re ghaa nọ, ẹzẹ ke wa ro, emwa nii keghi si kpao vbe agọ ne iran ya fian Jọdan rra. Avbe ohẹn keghi mu Ẹkpẹti Ile, iran na ke odaro. Iran ghi sẹ ọkpẹn Jọdan iran na viọ owẹ ye uwu ẹzẹ.