Iwinna 7:43 - Edo Bible (E Baibol Ẹdo) Version 1996

⁴³ Owa Mẹlọk ne ẹbọ ọre uwa gha mu khian, deba amazẹ ọghe orhọnmwẹ Refan ne ẹbọ uwa. Avbe ẹbọ ne uwa maẹn ne uwa vbe gha ghoo. Rhunmwuda ọnii, I gha sua uwa fua gberra Babilọn.’

Iwinna 7:43 ပူးပေါင်းရင်းမြစ်များ

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

II Ọba 18:11

Ọgbaisi ọghe Asiria keghi viọ ivbi Izrẹl gha rrie Asiria zẹ vbe oghunmwu, ọ keghi ya viọ iran ye ẹvbo ne a tie ẹre Hala, eso kegha rre ọkpẹn ẹzẹ ne a tie ẹre Habọ vbe otọe Gozan, eso kevbe gha rre otọe Medis.

II Ọba 21:6

Ọ keghi ye ovbi ẹre ne okpia zọ ese ne a giẹn uan. Rẹn kegha fi iha ọ kevbe gha ru ẹbo edunna, ọ kevbe gha bọ vbe ọghe ọbo kevbe iran ni gu ẹrinmwi guan. Ọ keghi kakabọ sẹ ẹmwẹ e Nọyaẹnmwa, ọ na gie ẹe mu ohu.

Jerimaia 32:35

Iran bọọ Ogiukpo ne Baal vbe Iya Hinọm, ne iran ya gha ya ivbi iran nikpia kevbe nikhuo zọ ese vbe evba ne ẹbọ ne a tie ẹre Molẹk. Mẹ ma tama iran ne iran ru emwi na, ọ ma vbe gha zẹdẹ rrọ mwẹ ekhọe wẹ ne iran ru emwi vberriọ, ne iran ya si emwa e Juda obọ fi orukhọ.”

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Emọs 5:25

“Ivbi Izrẹl, I ma miẹn uwa ese ra emwi imuohan vbe ukpo iyeva nii ne I ya viọ uwa la uwu ato gberra.