Iwinna 7:39 - Edo Bible (E Baibol Ẹdo) Version 1996

³⁹ “Sokpan avbe erha mwa odede ma miẹn ẹre ẹmwẹ ye ehọ, iran bie ẹe fua, ọ kegha khọn iran ne iran dọlegbe gha rrie Igipt.

Iwinna 7:39 ပူးပေါင်းရင်းမြစ်များ

I Ọba 2:27

Ẹre Solomọn na rhuan Abiata hin ehe ne ọ na te ga e Nọyaẹnmwa zẹ vbe ohẹn, ọ keghi do mu ẹẹn sẹ ighẹ ẹmwẹ ne Nọyaẹnmwa ta ẹe vbekpa Elai kevbe ivbi ẹre vbe Siailo.

Psalm 106:16

Vbe uwu ato nii, iran kegha gbọvo e Mosis kevbe Errọn eguọmwadia ni huanrẹn e Nọyaẹnmwa.

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Nọmbas 11:5

Ẹghẹ ne a na rre Igipt, ma ghi rri ehẹn ne ọ khan mwa, avbe umwẹkhẹn, ogi, ebe afọ, alubarha ke ohọ ne ima gha re!

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

Iwinna 7:27

Ọmwa ne ọ ru ogieva ẹre khọ ne ọ rrọọ keghi wa sua Mosis ghe okhiẹ ọkpa, ọ nọ rẹn wẹẹ, ‘Gha ya uwẹ ru ne ọ khaemwisẹ ra ne ọ bu ohiẹn yan ima yi?

I Kọrinti 14:32

Ọ kere ne ọmwa ne a ya ikporhu ẹmwẹ Osanobua we daeyi ye uro ẹsẹse vbe ọ gha guan.

Giọgis 11:2

Okhuo ne Giliad rhie ye owa kevbe biẹlẹ ne ẹẹn, emọ ne amwẹ ọnrẹn biẹlẹ nẹ ẹn ghi wan rre, iran keghi khu e Jẹfta fua, iran tama rẹn wẹẹ, “Wẹ i ra rri ukhu erha ima rhọkpa rhunmwuda ovbi okhuo ọvbehe ọ re u khin.”