Iwinna 7:35 - Edo Bible (E Baibol Ẹdo) Version 1996

³⁵ “Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa.

Iwinna 7:35 ပူးပေါင်းရင်းမြစ်များ

Psalm 75:7

Osanobua ọrọre nọ bu ohiẹn ọ gha bu asẹ ne eso ọ gha bu abe gbe eso.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Ẹksọdọs 14:19

Odibo Osanobua ne ọ karo ne ivbiyokuo Izrẹl keghi kpaegbe gha rrie odẹ iyeke, orre okuku ne ọ ke odaro ne iran keghi gberra ghe odẹ iyeke iran.

Ẹksọdọs 14:24

Ẹdẹ ghi ra gbe, e Nọyaẹnmwa keghi ke uwu orre erhẹn kevbe okuku gbe aro ghe otọ ghe avbe ivbiyokuo Igipt, ọ na fian otighi fi ọbuohiẹn iran.

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Ẹksọdọs 33:2

I gha gie odibosa ke odaro uwa, I gha khulo ivbi e Kenan, kevbe Hiti, e Pẹriz, e Hivi kevbe Jebus ladian.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Nọmbas 20:16

Ma keghi datie Nọyaẹnmwa ne ọ yi ima obọ, ọ họn urhu mwa, ọ keghi gie odibosa ne ọ su ima ke Igipt ladian. Banbanna nian, e Kedẹs ne ẹvbo ne uwa gba miẹn uwu ọre ima ghi ye na.

Iyẹn ne ọ Maan Ọghe Mak 12:26

Ẹn hẹn, vbe kpae ọ ghe wẹ a huẹn emwa kpao vbe orinmwi, wa ma he tie ẹre vbe ebe Mosis ra, vbe ehe ne ọ na guan kan ẹmwẹ oha ne erhẹn na mu vẹn? Rhunmwuda, a gbẹn ọẹn ye evba wẹẹ, Osanobua khare wẹẹ, ‘Mẹ ọrọre Osanobua Ebraham, Osanobua Aizik kevbe Osanobua Jekọb.’

Iyẹn ne ọ Maan Ọghe Luk 19:14

Emwa ẹvbo ẹre i ho ẹmwẹ ọnrẹn, rhunmwuda ọnii, iran keghi zẹ ọrhẹ lelẹe ne iran ya kha wẹ, ‘Ma i ho ne okpia nii rrie egie yan ima.’

Iyẹn ne ọ Maan Ọghe Jọn 18:40

Iran keghi van okan ya rhie ewanniẹn ne ẹn wẹẹ, “Hiehiere, ẹ i re irẹn, Barabbas ma họ.” (Izigan ọre Barabbas gha khin.)

Iyẹn ne ọ Maan Ọghe Jọn 19:15

Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!” Pailet nọ iran wẹẹ, “Te uwa wẹ ne I kan ọba uwa mu ugbugbe ra?” Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”

Iwinna 2:36

“Rhunmwuda ọnii, wa ne ivbi Izrẹl, wa hia rẹn nian wẹẹ, Jesu nii ne uwa kan mu ugbugbe, Osanobua ya ẹe khian Nọyaẹnmwa kevbe Mẹzaia nẹ.”

Iwinna 3:22

Rhunmwuda Mosis ta ẹe wẹẹ, ‘Nọyaẹnmwa Osanobua rua gha gie akhasẹ ọkpa gie uwa, zẹ vbene ọ vbe gie mwẹ, ovbi uwa khian vbe gha nọ. Wa ghi gbe ehọ kotọ họn ẹmwẹ hia ne ọ gha tama uwa.

Iwinna 5:31

Osanobua keghi tọn ẹn mu gha rrie obọ erha ọmwa ẹnrẹn zẹ vbe ọkaolotu kevbe Ọmiọnmwafan, ne ọ miẹn ehe na rhie ẹghẹ ne ivbi Izrẹl ya ro iro fi uyinmwẹ werriẹ, ne a miẹn ehe na ya orukhọ iran bọ iran.

Iwinna 7:30

“Vbe iyeke ukpo iyeva, odibosa keghi rhie egbe, ma Mosis vbe uwu oha ne erhẹn na baa, vbe ato ne ọ rre ọkpẹn Sainai.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Kọlose 1:15

Kristi ọrọre emwi ne ọ khọe ne a bẹghe ọghe Osanobua ne a i bẹghe, rẹn ọrọre Ọmọdiọn ọghọe ne ọ kpọlọ sẹ emwi ne a yi hia fẹẹrẹ.

Hibru 2:2

A miẹn ọẹn wẹ, ẹmwẹ ne avbe odibo Osa do ta, ẹmwata nọ, kevbe wẹ, ọmwaikọmwa ne ọ ma ya ẹe ru emwi ra ne ọ ma ru vbe ne ọ khare, ọ ghi rri oya ne ọ ma ẹn.

Arhie Maan 15:3

Iran kegha so ihuan e Mosis ne ọguọmwadia Osanobua kevbe ihuan ọghe Oteghe Ohuan nii. “Nọyaẹnmwa Osanobua ne Oghodua, ne ọ kpọlọ kevbe ne ọ yan ọmwa unu ọre avbe iwinna obọ ruẹ khin. Ọba avbe agbọn ẹvbo hia, ne ọ gbae kevbe ne ọ re uhunmwu ẹmwẹ ọre odẹ ruẹ hia khin.

I Samuẹl 10:27

Sokpan avbe ẹwobi emwa eso kegha kha wẹẹ, “Vbe oko na ra sẹtin ru ne ima yi?” Iran keghi ye aro tila e Sọl rua. iran ma ye imuohan gie ẹe.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.