Iwinna 7:27 - Edo Bible (E Baibol Ẹdo) Version 1996

²⁷ Ọmwa ne ọ ru ogieva ẹre khọ ne ọ rrọọ keghi wa sua Mosis ghe okhiẹ ọkpa, ọ nọ rẹn wẹẹ, ‘Gha ya uwẹ ru ne ọ khaemwisẹ ra ne ọ bu ohiẹn yan ima yi?

Iwinna 7:27 ပူးပေါင်းရင်းမြစ်များ

Gẹnẹsis 19:19

Ghe, u tohan mwẹ nẹ, ekhọe ruẹ ọre ọ maa ọre u na ma gbe mwẹ uan, sokpan avbe oke nii rrei gbe, obọ ọfuan nii gha vba mwẹ, I ghi wu I te sẹ evba.

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Iyẹn ne ọ Maan Ọghe Luk 12:14

Jesu wanniẹn wẹẹ, “Ọkpia na, gha ọ rhie asẹ mẹ ne I ya gha bu ohiẹn ra ne I ya gha gha ukhu ne uwa yi?”

Iwinna 4:7

Iran viọ avbe ukọ ni mudia ye odaro iran, iran keghi nọ iran wẹẹ, “Vbe uwa ya ru emwi na hẹ? De ẹtin ne uwa mwẹ? de eni ọmwa ne uwa ya ruẹe?”

Iwinna 5:33

Emwa ni rre Iko ghi wa họn ẹmwẹ na, okuosu keghi wa rri iran, sẹrriọ ne iran na wa ta ẹe ighẹ te iran gbele avbe ukọ rua.

Iwinna 7:35

“Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa.

Iwinna 7:39

“Sokpan avbe erha mwa odede ma miẹn ẹre ẹmwẹ ye ehọ, iran bie ẹe fua, ọ kegha khọn iran ne iran dọlegbe gha rrie Igipt.

Iwinna 7:54

Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre.