Iwinna 7:25 - Edo Bible (E Baibol Ẹdo) Version 1996

²⁵ Rẹn keghi te gha ro ighe emwa irẹn gha rẹn wẹ te Osanobua ra gie irẹn do miẹn iran fan. Sokpan iran ma rẹn.

Iwinna 7:25 ပူးပေါင်းရင်းမြစ်များ

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

Psalm 106:7

Avbe erha mwa odede ni gha rre Igipt, ma rẹn otọ iwinna ọyunnuan, ọghe Osanobua. Iran mianmian ẹghẹ nibun, ne ọ na rhie aho ẹmwẹ ọmwa rẹn ma iran, iran keghi sọtẹ ghe Oghodua, vbe Okun ne Nọbaa.

Ẹksọdọs 2:12

E Mosis keghi ghe lẹga, ugbẹn vbe ọ ghi miẹn wẹ ọmwa rhọkpa i rre evba, ọ na gbe ovbi Igipt nii uan, ọ na tọnnọ ọẹn ye uwu uzekhae.

Iyẹn ne ọ Maan Ọghe Mak 9:32

Iran ma rẹn emwi ne ọ ya ẹmwẹ na kha sokpan ohan ma gie iran nọ rẹn.

Iyẹn ne ọ Maan Ọghe Luk 18:34

Avbe erhuanegbe ẹre ma rẹn emwi ne a ya emwi na rhọkpa kha, a keghi rhie otọe ẹmwẹ nii lẹre ne iran, iran ma rẹn otọ ẹmwẹ ne Jesu guan yan.

Iyẹn ne ọ Maan Ọghe Luk 9:45

Sokpan, iran ma rẹn emwi ne a yae kha. A keghi rhie ẹre lẹre ne iran ne iran ghẹ rẹn otọ ẹre. Ohan ma gie iran nọ otọ ẹmwẹ na vbe obọ ẹre.

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 15:4

Iran ghi sẹ Jerusalẹm, esọsi kevbe avbe ukọ kevbe avbe ediọn keghi wa ghọghọ mu iran, iran keghi na iyẹn emwi ne Osanobua viọ iran ya winna.

Iwinna 15:7

Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi.

Iwinna 21:19

Pọl ghi tue iran nẹ, ọ keghi na iyẹn emwi hia ne Osanobua la obọ iwinna irẹn ru vbe uwu iran ne ẹ i re Ju ma iran.

Iwinna 7:24

Ọ keghi do vba vbe ovbi Igipt wa lọghọ ọkpa vbọ. Rhunmwuda ọnii rẹn keghi ya ru iyobọ nẹẹn, ọ keghi rria ọmwa Igipt nii ikhi vbe ne ọ na wa gbe ẹe rua.

Iwinna 7:26

Ẹde ghi gbe ọ keghi do vba ivbi Izrẹl eva gu egbe gbinna, rẹn na wẹ ne irẹn dọlọ iran kugbe, ọ keghi kha wẹẹ, ‘Wa danmwehọ mwẹ, oko, etẹn etẹn wa khin, vbe uwa ghi na ru egbe khọ hẹẹ?’

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

I Kọrinti 15:10

Sokpan vbe ekpa ẹsọhẹ Osanobua ọre I na re emwi ne I khin na, ẹsọhẹ ne ọ rhie mẹ, a ma vbe muẹn rhia. Vbe ẹmwata, mẹ kakabọ winna sẹ avbe ukọ nekpa hia, a gha rhe miẹn wẹ ẹ i re ẹtin obọ mwẹ vbe ẹ i re ẹsọhẹ Osanobua ne ọ yaba mwẹ winna.

I Kọrinti 3:9

Rhunmwuda otu ne ima gba winna ne Osanobua ma khin. Wa ọrọre ugbo Osanobua. Owa ne Osanobua bọ ẹe ọre uwa khin.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Kọlose 1:29

Ne a miẹn ehe na ru ọna mwẹ uhunmwu, ọre I na domian, kevbe ne I na miẹn ẹsọn vbe ne I na lo ẹtin nọkhua ne Kristi rhie mẹ, kevbe ne ọ vbe winna vbe uwu imẹ.

Giọgis 15:12

Iran keghi tama rẹn wẹẹ, “Te ima rre na ne ima do gba a ne ima miẹn ehe na mu ẹẹn gie iran.” E Samsin keghi kha wẹẹ, “Wa yan ma mwẹ wẹ wa i ra tobọ uwa gbe mwẹ uan.”

I Samuẹl 14:45

Sokpan avbe emwa nii keghi tama e Sọl wẹẹ, “Te uwẹ we ne a gbe Jonatan ne ọ gie Izrẹl miẹn akhọnmiotọ nọkhua na rua ra? Ẹdẹ! Ma ya eni e Nọyaẹnmwa ne ọ rrọọ yan wẹ eto ọkpa i ra vbọ fua vbe uhunmwu ẹnrẹn. Iyobọ Osanobua ọre ọ ya ru emwi ne ọ ru ẹrẹna.” Ọre a na miẹn wẹ emwa ni ma gia gbe Jonatan rua.

I Samuẹl 19:5

Ọ rhie uhunmwu ẹnrẹn mwẹ atataobọ ya gbe Golaiat, e Nọyaẹnmwa keghi khọn okuo akhọnmiotọ nọkhua ne Izrẹl. Wẹ miẹn ọẹn, ọ keghi ye ẹko rhiẹnrhiẹn ọn, Vbọzẹ ne u gha na ru ọmwa ne ọ ma rukhọ emwi ne ọ ma gba ne u gha na gbe e Devid vbe ne ẹ i na mwẹ emwi nọ zẹe hiehiere?”