Iwinna 7:24 - Edo Bible (E Baibol Ẹdo) Version 1996

²⁴ Ọ keghi do vba vbe ovbi Igipt wa lọghọ ọkpa vbọ. Rhunmwuda ọnii rẹn keghi ya ru iyobọ nẹẹn, ọ keghi rria ọmwa Igipt nii ikhi vbe ne ọ na wa gbe ẹe rua.

Iwinna 7:24 ပူးပေါင်းရင်းမြစ်များ

Ẹksọdọs 2:11

Ọ ghi kpẹe fua kherhe vbe Mosis ghi wan nẹ, ọ keghi ladian ne ọ ya tue avbe emwa rẹn, ighẹ ivbi e Hibru, ọ ke do miẹn vbe a ya ẹtin ya iran miẹn ẹsọn. Ọ na miẹn vbe ovbi Igipt ọkpa gbe ovbi e Hibru, ọkpa vbe uwu avbe emwa irẹn rua.

Ẹksọdọs 2:12

E Mosis keghi ghe lẹga, ugbẹn vbe ọ ghi miẹn wẹ ọmwa rhọkpa i rre evba, ọ na gbe ovbi Igipt nii uan, ọ na tọnnọ ọẹn ye uwu uzekhae.

Iwinna 7:23

“Mosis ghi rre ọmọ ukpo iyeva, ọ na wẹ rẹn ra ya miẹn ivbi Izrẹl ne ihua ẹre.

Iwinna 7:25

Rẹn keghi te gha ro ighe emwa irẹn gha rẹn wẹ te Osanobua ra gie irẹn do miẹn iran fan. Sokpan iran ma rẹn.

Iwinna 7:28

U ra vbe do gbe mwẹ uan ra vbene u gbe ovbi Igipt nii uan nodẹ?’