Iwinna 7:22 - Edo Bible (E Baibol Ẹdo) Version 1996

²² A keghi vbe ma ẹre irẹnmwi Igipt hia. Rẹn keghi khian ọkpọmwa vbe ẹmwẹ kevbe emwi ne a ru.

Iwinna 7:22 ပူးပေါင်းရင်းမြစ်များ

II Krọnikol 9:22

E Solomọn ne ọba keghi fe, ọ keghi vbe wan sẹ avbe ọba hia ni rre uhunmwu otọ agbọn.

Aizaia 19:11

Akpa ọ re iran khin ighe avbe ọkaolotu ẹvbo e Zoan. Ude ọzuọ ọ re emwa ni ghi wan sẹ vbe Igipt bu ọmwa re! Vbe ohan na gie iran tama ọba hẹ yi wẹ iran ọrọre emwa ni mudia ye ihe avbe umẹwaẹn kevbe avbe ọba nẹdẹ.

Daniẹl 1:4

Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Iyẹn ne ọ Maan Ọghe Luk 24:19

Ọ nọ rẹn wẹẹ, “Vbọ khun emwi?” Iran wanniẹn wẹẹ, “Avbe emwi ni sunu vbe egbe Jesu ne ovbi e Nazarẹt nọ vbe gha re akhasẹ, ne Osanobua kevbe emwa ne agbọn ka ye ọmwa nọkhua vbe ẹmwẹ ne a guan kevbe emwi ne a ru.