Iwinna 7:2 - Edo Bible (E Baibol Ẹdo) Version 1996

² Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Iwinna 7:2 ပူးပေါင်းရင်းမြစ်များ

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 12:1

E Nọyaẹnmwa keghi tama Ebram wẹẹ, “Kpao vbe ẹvbo ruẹ rre, sẹ avbe etuẹn rae kevbe owa erha a, ne u gha rrie ẹvbo ne I gha rhie ma ruẹn.

Gẹnẹsis 12:5

Ebram keghi rhie Sera ne amwẹ ọnrẹn, e Lọt ne ovbi ọtiọnrẹn, ẹfe ne irẹn mwẹ hia, ne iran khuan ẹn vbe Haran, kevbe eviẹn ọnrẹn hia iran keghi si okhian gha rrie Kenan.

Gẹnẹsis 15:7

Ẹre Nọyaẹnmwa na tama rẹn wẹẹ, “Mẹ ọrọre Nọyaẹnmwa ne ọ we ne u kpao vbe Babilonia rre, ne a miẹn ehe na mu otọe na nuẹn zẹ vbe ọwuẹ.”

Gẹnẹsis 29:4

E Jekọb keghi nọ iran wẹẹ, “Ihomwa, de ehe ne uwa ke rre yi?” Iran keghi wanniẹn wẹẹ, “Haran ma ke rre.”

Nehimaia 9:7

Wẹ ne Nọyaẹnmwa Osanobua ọ re ọ zẹ Ebram u keghi rhie ẹre ke Ọọ ne Babilọn rre. U ke fi ẹre eni werriẹ ya khian Ebraham.

Psalm 24:10

De ọmwa ne ọ re ọba nọkhua na? E Nọyaẹnmwa ne ọ khọnmiotọ rẹn ọrọre ọba nọkhua.

Psalm 24:7

Wa bilo urho nii ye otọ gbodoo wa kie avbe ẹkhu arre ni uan, Ọba nọkhua gha la owa.

Psalm 29:3

A họn urhu e Nọyaẹnmwa vbe uhunmwu avbe okun, Osanobua uyi davan, urhu ẹre keghi migbo la okun hia gba.

Aizaia 37:12

Avbe iran ni karo mẹ rẹnkhẹn avbe ẹvbo ne a tie ẹre Gozan, e Haran kevbe Rezẹf, iran kevbe gbele avbe emwa ni rre Bẹtẹdẹn Telasa, a ma miẹn ne ọ sẹtin miẹn iran fan vbe uwu emwi ne iran gho.

Aizaia 51:2

Wa roro ẹmwẹ erha uwa odede ighẹ Ebraham kevbe e Sera ne uwa re ivbi ivbi ẹre. Ẹghẹ ne I na tie Ebraham, ẹ i mwẹ ọmọ sokpan, I fiangbe ẹe, I ke viọ emọ ne ẹẹn I keghi ya ivbi uniẹn ọnrẹn khian ọrhẹnrhẹn.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Luk 2:14

“Uyi nọ ne Osanobua vbe ẹrinmwi ne ọ yo sẹ. Kevbe ọfumwegbe ne emwa ne ẹko ẹre rhiẹnrhiẹn ghe vbe agbọn!”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 12:41

Te Aizaia ta ẹmwẹ na rhunmwuda ighẹ ọ miẹn uyi Jesu, ọ na mu go.

Iwinna 22:1

“Ikpia, etẹn ne ikpia kevbe avbe erha mwa, wa danmwehọ mwẹ ne I zẹ ene unu mwẹ ma uwa!”

Iwinna 23:7

Ugbẹn vbe ọ ghi wa ta ẹmwẹ na nẹ, avbe Farisi kevbe avbe Sadusi keghi suẹn gha gu egbe gui, iwannegbe keghi la ẹkpo emwa nii.

Iwinna 7:1

Ogie Ohẹn keghi nọ Stivin wẹẹ, “Erriọ gele nọ ra?”

I Kọrinti 2:8

Ọkpa vbe uwu iran ni rre ọdakha vbe agbọn na, ne ọ rẹn ẹwaẹn na, ẹ i rrọọ. Akpawẹ te iran rẹn ọnrẹn, iran i ghẹ kan Nọyan uyi mu ugbugbe.

Ẹfisọs 1:17

I keghi vbe rinmwian Osanobua ọghe Nọyaẹnmwa Jesu Kristi, Erha Nọ mwẹ uyi, ne ọ rhie nene Orhiọn ne uwa, ne ọ gha ya uwa gha wan, ọ ghi vbe rhie Osanobua ma uwa, ne uwa miẹn ehe na rẹn ọnrẹn.

Taitọs 2:13

Zẹ vbene ima mudia khẹ Ẹdẹ ne afiangbe nii, ne ima mwẹ idaehọ ẹre, ẹdẹ ne uyi ọghe Osanobua mwa nọkhua, kevbe Ọmiọnmwafan mwa Jesu Kristi, gha rhie egbe maa.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

Hibru 11:8

Iyayi ọre ọ ye. Ebraham họn vbe Osanobua tie ẹre, ọ na gha rrie ẹvbo ne Osanobua ve ẹre re wẹ, rẹn gha rhie nẹẹn. Rẹn keghi kpao vbe ẹvbo irẹn rre, vbe ne ọ ma na rẹn ehe ne ọ rriẹ.

Jems 2:1

Etẹn mwẹ, vbe ẹdẹ agbọn uwa zẹ vbe emwa ni ya Nọyaẹnmwa Jesu Kristi yi, ọmwa ne ọre Nọyan uyi, wa ghẹ gha ya okpan ughughan mwa ne emwa, rhunmwuda vbene iran ye vbe ikinnegbe.

Jọsua 24:2

E Jọsua keghi tama emwa nii hia wẹẹ, “Ẹmwẹ ne e Nọyaẹnmwa ne Osanobua Izrẹl ra ta ọ re ọna khin. Vbe ẹghẹ ne ọ kpẹre ne ọ gberra, avbe erha uwa odede kegha rre obọ nọkpa ọghe Ẹzẹ Yufretes, iran kegha gho avbe ẹbọ ọvbehe. Ọkpa vbe nene avbe erha uwa odede kegha re Tẹra ne ọ re erha Ebraham kevbe Nahọ.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”