Iwinna 6:6 - Edo Bible (E Baibol Ẹdo) Version 1996

⁶ Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.

Iwinna 6:6 ပူးပေါင်းရင်းမြစ်များ

Nọmbas 27:18

E Nọyaẹnmwa keghi tama e Mosis wẹẹ, “Rhie Jọsua ne ovbi e Nọn, okpia ne ọ sẹ ihe ne u viọ obọ ruẹ yan ẹre uhunmwu.

Nọmbas 8:10

Ivbi Izrẹl ghi viọ obọ iran yan avbe Livai uhunmwu.

Iyẹn ne ọ Maan Ọghe Mak 5:23

Ọ kakabọ rinmwian ẹn wẹẹ, “Egbe ma zẹdẹ rran ovbi mwẹ ne okhuo. Lahọ gha dee do viọ obọ ruẹ yan rẹn ne egbe miẹn ehe na rran rẹn ne ọ ghẹ wu.”

Iwinna 1:24

Rhunmwuda ọnii iran keghi na erhunmwu wẹẹ, “Nọyaẹnmwa wẹ rẹn ekhọe emwa hia. Rhunmwuda ọnii Nọyaẹnmwa rhie ne u hannọ zẹ vbe uwu iran eva na ma ima.

Iwinna 13:3

Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.

Iwinna 19:6

Pọl keghi viọ obọ ẹre yan iran, Orhiọn Ne Ọ Huanrẹn keghi tuorre yan iran, iran keghi zẹ ẹvbo ne ama i rẹn guan, iran keghi vbe gha ta ẹmwẹ Osanobua.

Iwinna 8:17

Pita kevbe Jọn keghi viọ obọ yan iran, iran keghi miẹn Orhiọn Ne ọ huanrẹn rhie.

Iwinna 9:12

Rẹn ghi rre aro umian, ọ keghi miẹn okpia ọkpa ne a tie eni ẹnrẹn Ananaias vbe ọ la owa do viọ obọ ẹre yan irẹn ne aro ẹre miẹn ehe na rhan, ne ọ dọlegbe gha bẹghe.”

Iwinna 9:17

Rhunmwuda ọnii Ananaias kegha khian, ọ keghi la owa, ọ na viọ obọ yan rẹn, ọ keghi kha wẹẹ, “Sọl ne ọtẹn mwẹ, Nọyaẹnmwa Jesu Kristi ọmwa ne u miẹn vbe odẹ vbe ẹghẹ ne u na gha dee ọre ọ tobọ ẹre gie mwẹ gha dee, ne u miẹn ehe na dọlegbe gha dẹghe, kevbe ne u vbe vuọn ne Orhiọn Ne Ọ Huanrẹn.”

Diuteronomi 34:9

E Jọsua ne ovbi Nọn keghi vuọn ne ẹwaẹn rhunmwuda, e Mosis zẹ ọe nẹ ne ọ rhie ihe irẹn. Ivbi Izrẹl keghi wa gha họn ẹmwẹ ne Jọsua, iran kegha lele uhi ne Nọyaẹnmwa la obọ e Mosis rhie gie iran.

I Timoti 4:14

Ghẹ ya emwi orhiọn ne a ya wuẹ rhọ eghẹrẹ, ne a rhie nuẹn ẹghẹ ne a vbe akhasẹ na guan kevbe ne avbe ediọn na viọ obọ yan ruẹn uhunmwu.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

II Timoti 1:6

Rhunmwuda ọnọna, ọre I na ye ruẹ rre ne u yobọ da ẹe yi gbain ighe ọhẹ ne Osanobua ya wuẹ vbe ẹghẹ ne I na viọ obọ yan ruẹn uhunmwu.

Hibru 6:2

Iruẹmwi vbe ekpa isamẹ kevbe obọ ne a viọ yan emwa uhunmwu, ọghe a huẹn eniwu kpaegbe kevbe ibuohiẹn etẹbitẹ.