Iwinna 6:3 - Edo Bible (E Baibol Ẹdo) Version 1996

³ Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Iwinna 6:3 ပူးပေါင်းရင်းမြစ်များ

Ẹksọdọs 18:21

Sokpan, deba ọnii, zẹlẹ emwa nii sẹ vbe uwu iran, ne u ya iran ru ekaolotu emwa na ẹ ọkaolotu arriaisẹn, iyisẹn, ekigbesiyeha kevbe igbe. Ọ kere ne iran gha re emwa nii muohan Osanobua kevbe ne ọ gie a mu ẹtin yan, kevbe ne a i sẹtin rhie oko odieke na.

Aizaia 28:26

Ọ rẹn vbene ọ ya winna iwinna rẹn hẹ rhunmwuda Osanobua ọ re ọ ma ẹre re.

Aizaia 28:6

Ọ gha ma iran emwi ne a ya ohiẹn ẹmwata kha ighẹ avbe iran ni bu ohiẹn, kevbe udinmwẹ ne iran ni waan ga onurho ẹvbo ne a ghẹ mu igbinna la uwu ẹre.

Matiu 23:8

Wa ghẹ gie a gha tie uwa ‘Ọmamwaemwi’ rhunmwuda etẹn ọkpa wa hia khin, Ọmamwaemwi ọkpa ọre uwa vbe mwẹ.

Iyẹn ne ọ Maan Ọghe Jọn 21:23

Iran keghi wa rhunmwuda ọnii gha ta ẹe khian vbe uwu ẹbu avbe erhuanegbe wẹ rẹn i ra wu: Sokpan Jesu ma kha ighẹ ẹ i ra wu, emwi ne ọ khare ọre wẹ, “Deghẹ I ho ne ọ gha rre agbọn I te do rre, de ne ọ kan ruẹn vbọ?”

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 1:21

“Rhunmwuda ọnii, te ọ kere ne ọmwa ọvbehe do deba ima zẹ vbe ọmwa ne ọ gha sẹ osẹe arhiọkpaegbe Nọyaẹnmwa Jesu. Ọ kere ne ọ gha re ọkpa vbe uwu avbe emwa ne ima gba gha lele Jesu khian ke ẹghẹ ne Jọn na gha kpe orhu ẹmwẹ ne agbọn hia do sa amẹ kpao, ya sẹ ẹghẹ ne a na sirra ima tọn Jesu mu gha rrie odukhunmwu vbe ẹrinmwi.”

Iwinna 10:22

Iran wanniẹn wẹẹ, “Kọniliọs ne ọka okuo ọre ọ gie ima gha dee. ọmwa esi ne ọ ga Osanobua ọre nọ, emwa Ju hia wa ya ọghọ nẹẹn ẹsẹse. Odibo Osanobua ọkpa ọre ọ tama rẹn ne ọ gie ne a tie ruẹ gha die owa ẹre, ne ọ miẹn ehe na họn ẹmwẹ ne u mwẹ ne u gha ta ma rẹn.”

Iwinna 15:23

Iran keghi rhie ebe na ne iran rhie gha khian: “Avbe ukọ kevbe ediọn, ne etẹn uwa gie otuẹ uwa hia ne etẹn mwa ne iran ne ẹ i re Ju biẹlẹe, ni rre Antiọk kevbe Siria kevbe Silisia.

Iwinna 16:2

Etẹn hia ni rre Listra kevbe Aikọniọm keghi wa gha so eni Timoti ne ọ maa.

Iwinna 2:4

Iran hia keghi wa vuọn ne Orhiọn Ne Ọ Huanrẹn, iran kegha zẹlẹ ẹvbo ọvbehe, zẹ vbene Orhiọn rhie ẹtin ne iran.

Iwinna 22:12

“Okpia ọkpa ne a tie eni ẹnrẹn Ananaias keghi rrọọ, ọmwa ne ọ mwẹ ekhọe ne a ya ga ẹsẹse, ọ kevbe ya Uhi ima ru emwi, ọ keghi vbe gha re ne ivbi e Ju hia ni rre Damaskọs ya ọghọ na ẹsẹse.

Iwinna 28:14

Ma keghi miẹn ivbi iyayi eso vbe evba, iran na wẹ ne ima gu iran gbe uzọla ọkpa. Iyeke ọnii ma ke do sẹ e Rom.

Iwinna 6:2

Rhunmwuda ọnii, iran ne ukọ iweva keghi tie iko ọghe avbe erhuanegbe hia, iran tama iran wẹẹ, “Ọ ma ke ne a bizu gbe ikporhu ẹmwẹ Osanobua ne a mu aro ye ẹmwẹ igho na dọlọ yi.

Iwinna 6:5

Iro ne avbe ukọ zẹe na keghi yẹ iran hia, rhunmwuda ọnii, iran keghi zẹ Stivin, ọmwa ne ọ vuọn ne Iyayi ke Orhiọn Ne Ọ Huanrẹn, ke Filip, Prokorọs, Nikanọ, Timọn, Pamenas, Nikolas ne ovbi Antiọk, ne ẹ i te re Ju ne ọ ghi degbe la e Ju.

Iwinna 6:6

Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.

Iwinna 9:30

Ugbẹn vbe emwi na ghi vẹ ne avbe etẹn rẹn, iran keghi rhie Sọl gha rrie Sisaria, iran na ke evba rhie ẹre gha rrie Tasọs.

I Kọrinti 12:8

Orhiọn ni ghi ya ẹmwẹ ẹwaẹn ne a guan we arhin ọkpa, vbe ne Orhiọn nii na vbe ya ẹmwẹ irẹnmwi we ọmwa ọvbehe.

I Kọrinti 16:3

I gha ghi rre, I ghi gbẹn egbe rhie ne emwa ne uwa ho, ne iran rhie emwi ihaoko uwa gha rrie Jerusalẹm.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

Diuteronomi 1:13

Wa zẹlẹ emwa eso ni wan an, ni mwẹ irẹnmwi, kevbe ni rẹn agbọn vbe uwu uwa kevbe dọmwadẹ ẹwae rre, I gha wẹ ne iran gha gbe aro ghe uwa.’

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

III Jọn 1:12

Emwa hia ọre ọ wa na iyẹn Demetriọs ne ọ maa, ẹmwata tobọ ẹre vbe ta ẹmwẹ ọnrẹn ne ọ maa. Ma keghi vbe rhie osẹe ima ba ẹre, wa tobọ uwa rẹnrẹn wẹ, ẹmwẹ ne I ma ta, ẹmwata nọ.