Iwinna 6:14 - Edo Bible (E Baibol Ẹdo) Version 1996

¹⁴ Rhunmwuda, ma họn ẹn vbe ọ khare wẹẹ, Jesu ne Ovbi e Nazarẹt na, gha do guọghọ Ọgua Osa sẹ otọ, ọ ghi vbe fi iyi otọe mwa ne Mosis ma ima re werriẹ.”

Iwinna 6:14 ပူးပေါင်းရင်းမြစ်များ

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Jerimaia 26:12

Ẹre imẹ na kha wẹẹ, “E Nọyaẹnmwa ọ re ọ gie mwẹ wẹ ne I talọ avbe ẹmwẹ ne uwa họẹn vbe unu mwẹ vbekpa Ọgua Osa na kevbe ẹvbo na.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Zẹkaraia 11:1

Kie urho ye otọ, Lebanọn, ne u gie erhẹn do giẹn avbe erhan isida ruẹ hia sẹ otọ!

Zẹkaraia 14:2

E Nọyaẹnmwa gha si avbe uhunmwu ẹvbo hia kugbe ne iran do gu e Jerusalẹm gbinna. A gha khọn mu ẹvbo nii, a gha fu emwi ni rre owa vbọ viọ. A gha mu avbe ikhuo ni rrọ yagha. A gha wa ẹvbo nii ye ihe eva, obọkpa vbọ gha yo iwe, sokpan, a i ra viọ iran ni ghi dekẹe hin ore ẹvbo rre.

Matiu 26:61

“Okpia na khare wẹẹ, ‘Mẹ gha sẹtin guọghọ Ọgua Osa Osanobua sẹ otọ, vbe iyeke ikpẹdẹ eha, I ghi vbe bọ ẹe.’ ”

Iyẹn ne ọ Maan Ọghe Mak 14:58

“Ma họn ẹn vbe ọ tae wẹ, ‘I gha guọghọ Ọgua Osa na ne emwa bọe sẹ otọ, vbe iyeke ikpẹdẹ eha, I gha bọ ọvbehe ne emwa ma bọ’ ”

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Iyẹn ne ọ Maan Ọghe Luk 21:6

“Wa ma miẹn emwi ne uwa ghe na hia, ẹdẹ dee ne a i ra sẹ okuta ọkpa ra e ye ehe ne ọ ye, a ghi dunmwu ehia sotọ.”

Iyẹn ne ọ Maan Ọghe Jọn 2:19

Jesu wanniẹn, “Wa dunmwu owa Osanobua na uan, I gha dọlọ ẹe bọọ vbe ikpẹdẹ eha.”

Iyẹn ne ọ Maan Ọghe Jọn 4:21

Jesu tama rẹn wẹẹ, “Ya ẹmwẹ mwẹ yi okhuo na, ẹghẹ dee ne a gha na miẹn wẹ ẹ i re uhunmwu oke na ra Jerusalẹm ọre emwa gha na ga Evbavba.

Iwinna 15:1

Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.”

Iwinna 21:21

Iran họẹn wẹ te uwẹ ya gha tama avbe Ju ni rre ẹvbo iran ni i re Ju wẹ ne iran mu Uhi e Mosis fua, wẹ ne iran ghẹ ghi rhuẹ ivbi iran ra ne iran gha lele ilele avbe Ju.

Iwinna 25:8

Sokpan, Pọl keghi vbe ze ne unu ẹnrẹn wẹ, “I ma fidọn vbe emwi rhọkpa, ọ re Uhi avbe Ju nọ ra Ọgua Osa ra e Nọgbaisi e Rom.”

Iwinna 26:3

Emwi ne ọ mobọ ye ọna gha re ẹmwata ọrọre wẹ, wẹ rẹn vbekpa uyinmwẹ kevbe ilele avbe Ju ẹsẹse. Rhunmwuda ọnii, I mobọ rinmwian ne u gbe ẹkun sẹ otọ danmwehọ mwẹ.

Iwinna 28:17

Vbe ikpẹdẹ ne ogieha, e Pọl keghi tie iko avbe olotu e Ju ni rre ẹvbo ni. Iran ghi si koko nẹ, ọ tama iran wẹẹ, “Etẹn mwẹ: Jerusalẹm ọre a na mu mwẹ zẹ vbe oleghan, a na rhie mwẹ ne emwa Rom, vbe ne ma na ru abaku ru ghe ọmwaikọmwa ra iyi avbe erha mwa odede.

Galatia 3:19

Vbe a ghi gu rhie nene uhi ne ọmwa yi kehkehrriọ? Te a rhie ẹre te ẹe ne a miẹn ehe na gha rẹn emwi ne abaku ru, te a wẹ ne ọ vbe gha rrọọ ovbi Ebraham te do rre, ọmwa ne a ve ẹre nene emwi. Avbe odibosa ore ọ rhie nene Uhi rre, vbe ne ọmwa kẹkan na gha re ne ọ rre ẹkpo iran.

Galatia 3:23

Sokpan vbe iyayi te do rre, nene Uhi keghi munọ ima hia gba nẹ zẹ vbe oleghan, rhinrin a te do rhie nene iyayi ladian ne a miẹn.