Iwinna 6:13 - Edo Bible (E Baibol Ẹdo) Version 1996

¹³ Iran keghi viọ emwa eso rre wẹ ne iran do sẹ osẹe ohoghe gbe ẹe. Iran wẹẹ, “Te okona wa fi unu gie Ọgua Osa mwa ne ọ huanrẹn kevbe uhi Mosis.

Iwinna 6:13 ပူးပေါင်းရင်းမြစ်များ

Psalm 27:12

Ghẹ sẹ mwẹ rae ne avbe eghian mwẹ, ni ya ohoghe kevbe a yan khẹ ọmwa gun mwẹ gbinna.

Psalm 35:11

Avbe emwa dan sẹ osẹe gbe mwẹ iran ba mwẹ ifi ẹzọ vbe I ma rẹn ọkpa I ma rẹn eva.

Psalm 56:5

Avbe eghian ghi ho mwẹ ẹmwẹ ne ebi ro, ẹghẹ hia ọ re iran ya zẹ iro, ọghe vbene iran gha ya kuan mwẹ hẹ.

Hozia 7:4

Ekhọe ababe kevbe ni sọtẹ ọ re iran hia khin. Ikhuiwu iran gha yọn zẹvbe erhẹn vbe aroewu, ne a miẹn wẹ, ọmwa ne ọ le ebrẹd i si yọ ọ te do sẹ ẹghẹ ne ọ ra ya le ebrẹd.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Matiu 26:59

Avbe igie ohẹn kevbe Iko nii hia, kegha gualọ osẹe ohoghe ne iran gha sẹ gbe Jesu ne iran miẹn ehe na gbe ẹe rua.

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 25:8

Sokpan, Pọl keghi vbe ze ne unu ẹnrẹn wẹ, “I ma fidọn vbe emwi rhọkpa, ọ re Uhi avbe Ju nọ ra Ọgua Osa ra e Nọgbaisi e Rom.”

Iwinna 6:11

Iran keghi rhunmwuda ọna ya viọ igho ne emwa eso, ne iran do kha wẹẹ, “Ma họn ẹn vbe ọ fi unu gie Mosis kevbe Osanobua.”

Iwinna 7:58

Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

Hibru 7:12

Rhunmwuda, a gha fiohan werriẹ, ẹghẹ nii, te a ghi vbe fi uhi werriẹ lele ẹe.