Iwinna 6:12 - Edo Bible (E Baibol Ẹdo) Version 1996

¹² Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.

Iwinna 6:12 ပူးပေါင်းရင်းမြစ်များ

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Matiu 26:57

Iran ni mu Jesu keghi si ẹe gha rrie owa Kaiafas ne Ogie Ohẹn, ehe ne avbe iran ni ma emwa Uhi kevbe ediọn si egbe koko yi.

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iyẹn ne ọ Maan Ọghe Luk 20:1

Ẹdẹ ọkpa, Jesu kegha rre uwu Ọgua Osa, ọ na gha ma emwa emwi, ọ kegha kpe orhu Arriọba Osanobua, iran ne igie ohẹn, iran ni ma emwa Uhi kevbe avbe ediọn keghi bu ẹre gha dee.

Iwinna 13:50

Sokpan avbe Ju keghi kpikpi avbe ikpia ne a rẹn vbe ẹvbo, ni rre ẹvbo nii, kevbe avbe ikhuo ni hin ukhuaẹn ne ẹ i re Ju, ni ga Osanobua. Iran keghi hẹ ẹmwẹ da Pọl kevbe Banabas, iran na khulo iran hin iwewe ni rre.

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 17:13

Sokpan ugbẹn vbe avbe Ju ni rre Tẹsalonaika ghi họn ighẹ Pọl vbe kpe orhu ẹmwẹ Osanobua vbe Bẹrea, iran keghi vbe do bọọ emwa nii ye ẹmwẹ ne a ru.

Iwinna 18:12

A ghi ma Galio ne ọ khaemwisẹ ne ovbi e Rom yan Gris nẹ, avbe Ju keghi si uma, iran keghi mu Pọl, iran na si ẹe gha rrie iko.

Iwinna 21:27

Ọ ghi bu ẹghẹ ne ikpẹdẹ ihinrọn ni gha ya gba, avbe Ju eso ni ke otọe Esia rre keghi miẹn e Pọl vbe uwu Ọgua Osa, iran na kpe emwa nii ekpe ye ọre egbe, iran na mu e Pọl.

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:27

Iran keghi viọ avbe ukọ la owa, iran na viọ iran mudia vbe odaro Iko, Ogie Ohẹn keghi nọ iran ọta:

Iwinna 6:11

Iran keghi rhunmwuda ọna ya viọ igho ne emwa eso, ne iran do kha wẹẹ, “Ma họn ẹn vbe ọ fi unu gie Mosis kevbe Osanobua.”