Iwinna 6:11 - Edo Bible (E Baibol Ẹdo) Version 1996

¹¹ Iran keghi rhunmwuda ọna ya viọ igho ne emwa eso, ne iran do kha wẹẹ, “Ma họn ẹn vbe ọ fi unu gie Mosis kevbe Osanobua.”

Iwinna 6:11 ပူးပေါင်းရင်းမြစ်များ

Ẹksọdọs 23:1

“Ghẹ ta ewẹwẹwẹ. Ghẹ yi ọmworukhọ ike vbe ekpa osẹe ohoghe ne a sẹ.

Jerimaia 26:11

Ọ re avbe ohẹn kevbe avbe akhasẹ na tama avbe ọkaolotu kevbe emwa nii wẹẹ, “Te ọ kere ne a bu ohiẹn uwu gbe ọmwa na rhunmwuda, ọ taa ẹmwẹ dan gie ẹvbo ima na. Wa tobọ uwa ye ehọ uwa họẹn.”

Jerimaia 37:13

Sokpan, I ghi sẹ Onurho e Bẹnjamin arowa ne ọ gbearoghe avbe ivbiyokuo ni winna vbe evba, ọmwa ne a tie eni ẹnrẹn Irigia ne ovbi Sielemia kevbe eyẹ, Hananaia, keghi mu mwẹ mudia ọ wẹẹ, “Te u lẹ bu ivbi e Babilọn khian.”

Levitikọs 24:16

a ghi gbe ẹe rua. Ovbi Izrẹl ra orhunmwuyẹn ne ọ tie ihẹn ne Osa, te emwa hia gha filo okuta gbe ẹe rua.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 9:29

Ma rẹnrẹn ighe Osanobua gu e Mosis guan. Sokpan ma ma kue rẹn ehe ne oko na ke rre.”

Iwinna 15:21

Rhunmwuda ọkpẹre ne a kegha tie Uhi e Mosis vbe Ọgua ediọn vbe Ẹdẹ Ikẹtin hia, a vbe kpe orhu ẹmwẹ ọnrẹn vbe ẹvbo hia.”

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Iwinna 21:28

Iran kegha go kha wẹ, “Ivbi Izrẹl, wa bu rre, wa ghe okpia ne ọ lele ehe hia khian ya gha tama emwa hia wẹ ne iran ghẹ zẹ ye ẹmwẹ ivbi Izrẹl ra Uhi e Mosis kevbe Ọgua Osa. Ghe vbe ọ vbe hẹ emwa ne ẹ i re Ju la uwu Ọgua Osa ne ọ do ya mu awua la ehe ne ọ huanrẹn na!”

Iwinna 25:3

Iran rinmwian Fẹstọs ne ọ mu ọghọ ye iran egbe ne ọ rhie Pọl gha die Jerusalẹm, rhunmwuda iran khuan khẹ ọre nẹ ne iran gbe ẹe rua vbe odẹ.

Iwinna 25:7

Ugbẹn vbe Pọl ghi rre, avbe Ju ni ke Jerusalẹm rre keghi lẹga ẹre, iran na gha gu ẹe gui okpẹzọ ni bun, sokpan, iran ma sẹtin zẹ erhọkpa ugbaro a.

Iwinna 26:11

Ẹghẹ ni bun ọre I ya gha rri iran oya vbe uwu Ọgua ediọn, I na gha hia ne I ruẹ e ne iran siẹn iyayi iran, ohu iran mu mwẹ sẹrriọ wẹ, I na gha mu va ye isi ya gha lọghọ iran vbe odọ.

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.

Iwinna 6:13

Iran keghi viọ emwa eso rre wẹ ne iran do sẹ osẹe ohoghe gbe ẹe. Iran wẹẹ, “Te okona wa fi unu gie Ọgua Osa mwa ne ọ huanrẹn kevbe uhi Mosis.

Ebe ne Pọl gbẹẹn gie emwa Rom 3:8

A ghi wa tae vbe nian khekherriọ wẹ, “Wa gie ima wa gha ru emwi dan ne emwi ne ọ maa miẹn ehe na gha rre ẹmwata,” emwa eso wa rhia mwẹ eni ruan nẹ vbe ne iran na ba mwẹ ifi ẹzọ wẹ erriọ ọre imẹ kha re. A gha hu ahe gbe iran na, zẹ vbene ọ kere ne iran.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.