Iwinna 6:1 - Edo Bible (E Baibol Ẹdo) Version 1996

¹ Ọ ghi kpẹe kherhe, vbe avbe erhuanegbe ghi bun yọ nẹ, imuaẹmwẹ keghi do gha rrọọ ne avbe Ju ni rre owa kevbe avbe Ju ni zẹ ẹvbo Grik. Avbe Ju ni zẹ Grik keghi kha wẹ iran gha ghae evbare, iran i ghae sẹ avbe ẹgbẹe ni re ọghe iran vbọ obọ.

Iwinna 6:1 ပူးပေါင်းရင်းမြစ်များ

Job 29:13

Emwa ne ẹmwẹ agbọn hie ẹre uke kegha tian mwẹ, I keghi yi avbe ẹgbẹ obọ ne ẹkun sẹ iran otọ.

Job 31:16

“I ma he he ẹdẹ ne I ru iyobọ ne ovbiogue, I ma he giẹ agbọn khan avbe ẹgbẹ ẹdẹ,

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 72:16

Te evbare gha kpọ vbe otọe nii; te emwiokọ gha gha uhunmwu oke hia ne iran gha mọ zẹ vbe ọghe Lebanọn. Te emwa gha gba ore ẹvbo hia, zẹ vbe oha ne ọ vuọn ne irunmwu.

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Jerimaia 30:19

Emwa ni rre evba gha so ihuan urhomwẹ iran, gha we ne oghọghọ. Rhunmwuda, afiangbe mwẹ, iran gha muan yọ afiangbe mwẹ gha mu ọghọ ye iran egbe.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iwinna 11:20

Sokpan ivbi iyayi eso ni ke Saiprọs kevbe Sairin rre kegha rrie Antiọk, iran keghi vbe ya kpe orhu ma emwa eso ne ẹ i re Ju, iran kegha ta ẹmwẹ Iyẹn Ne ọ maa ọghe Nọyaẹnmwa Jesu ma iran.

Iwinna 11:26

Ugbẹn vbe ọ ghi miẹn ọẹn, ọ keghi rhie ẹre gha die Antiọk. Vbe ukpo hoho gbalaka, iran eva kegha gu emwa esọsi do iko, iran kegha ma otu ni bun emwi. Antiọk ọre a na ka gha tie avbe erhuanegbe ivbi Otu e Kristi.

Iwinna 11:29

Avbe erhuanegbe keghi ta ẹe wẹ dọmwadẹ ọghọe vbe uwu iran gha rhie vbene obọ ẹre sẹe ya ru iyobọ gie etẹn iran ni rre Judia.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 2:45

Iran ghẹ ghi khiẹn emwi ewe iran, kevbe emwi ne iran mwẹ, iran hia ghi gba gha igho ẹre zẹ vbene edọmwadẹ ọghọe i te ya mwẹ.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

Iwinna 4:35

Iran na gha viọ igho ne iran miẹn vbọ gie avbe ukọ, iran ghi vbe gha igho ni gba emwa hia obọ, vbe ne ọ gha sẹ iran lo.

Iwinna 4:4

Sokpan iran ni họn ẹmwẹ nii keghi yayi, ikpia ni rrọọ sẹ omwa arriaisẹn isẹn.

Iwinna 5:14

Sokpan, emwa ni bun ni ya Nọyaẹnmwa yi, ke ikpia kevbe ikhuo, kegha ya egbe ba iran.

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 6:2

Rhunmwuda ọnii, iran ne ukọ iweva keghi tie iko ọghe avbe erhuanegbe hia, iran tama iran wẹẹ, “Ọ ma ke ne a bizu gbe ikporhu ẹmwẹ Osanobua ne a mu aro ye ẹmwẹ igho na dọlọ yi.

Iwinna 6:7

Rhunmwuda ọnii, ẹmwẹ Osanobua kegha vẹ khian. Avbe erhuanegbe ni rre Jerusalẹm kegha muan yọ, nibun vbe uwu avbe ohẹn keghi vbe do yayi.

Iwinna 9:29

Ọ keghi vbe gu emwa Ju ne a biẹ ye ẹvbo Grik guan, ọ keghi vbe gu iran gha muan ẹmwẹ, sokpan iran te ra gbe ẹe rua.

Iwinna 9:39

Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

Iwinna 9:41

Pita keghi nien obọ ya ru iyobọ nẹ ne ọ kpaegbe, ọ keghi tie emwa iyayi nii, kevbe avbe ẹgbẹe, ọ keghi rhie ẹre ne iran ke ẹe kevbe ẹmwẹ ne unu.

Ebe ne Pọl gbẹẹn gie emwa Rom 12:7

A deghẹ ne a gha ga emwa ọvbehe nọ, wa gie a gha ga emwa ọvbehe, deghẹ ne a gha ma emwa emwi nọ, gia gha ma emwa emwi.

I Kọrinti 10:10

Wa ghẹ gha vian, vbene eso vbe gha ru ne Ogie Uwu na fuẹn iran uan.

II Kọrinti 11:22

Ivbi e Hibru iran khin ra? Ọ re imẹ vbe khin. Ivbi Izrẹl iran khin ra? Ọ re imẹ vbe khin. Ivbi uniẹn Ebraham iran khin ra, ọ re imẹ vbe khin.

Diuteronomi 26:12

“Vbe ukpo ne ogieha u ghi gha viọ a wa ye ihe igbe, obọ ọkpa vbe a gha emwiorhọ ruẹ ye ihe igbe ne avbe Livai, avbe erriọvbe, emọ ne ẹ i mwẹ erha kevbe ẹgbẹ, ne a miẹn ehe na miẹn wẹ, ẹbu ke ẹbu ne iran a rhirhi a gha ye, iran ghi gha miẹn re ne ẹko vuọn iran. U gha ru vberriọ.

Filipai 3:5

Ọ rre uzọla ọkpa ne a biẹ mwẹ ọre a na rhuẹ mwẹ, ovbi eseserese Izrẹl ọre I khin, uniẹn ọghe Bẹnjamin, ovbi e Hibru na ma gua esagiẹn ọnrẹn. A gha wẹ ne a ta ọghe Uhi avbe Ju ne a ya ru emwi, e Farisi ọre I gha khin.

I Timoti 5:3

Gha ya oghẹ ne avbe ikhuo ni de ẹgbẹ ni re ẹgbẹ ne ẹgbẹ.

I Timoti 5:9

Ghẹ gbẹn eni ẹgbẹ ba ọghe avbe ẹgbẹ, sokpan amawẹ ọ sẹ ọmọ ukpo iyeha nẹ. Yevbe sẹ ọnii, a ghi miẹn wẹ owa ọdọ ọkpa kẹkan ọre ọ he yo.

Hibru 13:1

Wa gha ho ẹmwẹ egbe zẹ vbe etẹn vbe uwu Kristi.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Jems 5:9

Wa ghẹ gha gui ẹzọ egbe khian, etẹn mwẹ. Ne Osanobua ghẹ vbe bu ohiẹn uwa. Ne ọ bu ohiẹn sẹ emwa fo nẹ, ọ mu egbe nẹ ne ọ la owa.